Foto: Prodip Guha/Getty Images
Qazaqstanda halyqaralyq juldyzdardyń konserti jıilep keledi. 2025 jyly elde birneshe iri mýzykalyq shara ótti. 19 qyrkúıekte Almatyda Bekstrıt Boıs toby óner kórsetse, 21 qyrkúıekte olar Astanada sahnaǵa shyqty. Sonymen qatar, 1 tamyzda Astana Arena stadıonynda Djennıfer Lopestiń alǵashqy konserti ótti. 10 tamyzda ánshi Almatyda da shoý baǵdarlamasyn usyndy.
Djennıfer Lopestiń konserti Astanaǵa 12 myń sheteldik týrıst ákelgen
Prodıýser, «Astana konsert» ókili Málik Hasenov Qazaqstanda Beıonse, Emınem jáne Shakıra konsertterin ótkizý múmkindigi bar ekenin aıtty. Onyń pikirinshe, ásirese reper Emınemniń shoýyn uıymdastyrý kúrdeli bolýy yqtımal.
Aldaǵy ýaqytta Qazaqstanda birqatar halyqaralyq konsertter josparlanǵan. Mamyr aıynda elge Tımbalend, Nıkol Sherzınger jáne Basta Raıms qatysatyn aýqymdy mýzykalyq sharalar ótedi.
Nıkol Sherzınger áleýmettik jelilerinde Qazaqstan týraly jıi aıtady. Ol qazaqtyń ulttyq oıý-órnegi beınelengen kıim kıip, Olımpıadada óner kórsetken mánerlep syrǵanaýshy Sofıa Samodelkına ónerine súısingenin jazǵan.
Enrıke Iglesıas – ıspandyq ánshi ári kompozıtor. Ol halyqaralyq mýzykalyq mansabyn 1995 jyly bastaǵan. Osy ýaqytqa deıin 180 mıllıonnan astam albom satty. Ánshiniń týyndylary strımıng platformalarynda da keńinen taralǵan.
Ánshi álemniń iri konsert alańdarynda óner kórsetken. Onyń qorjynynda 154 ret Billboard hıt-paradtarynda birinshi oryn bar. Sonyń ishinde 27 ret №1 nátıje Latin Songs hıt-paradynda tirkelgen. Bul – chart tarıhyndaǵy eń joǵary kórsetkishterdiń biri.
Sondaı-aq ánshi birneshe márte mýzykalyq marapattarǵa ıe boldy, onyń ishinde Grammy syılyǵy jáne Billboard Awards marapattary bar.
