Oqý quralyn ýnıversıtettiń ǵalymdar ujymy О́ńirlik kommýnıkasııalar alańynda tanystyrdy. Basylymda qoldanystaǵy negizgi zań normalary men usynylyp otyrǵan ózgerister egjeı-tegjeıli salystyrylyp, ár túzetýdiń sebebine úńilgen, olardyń quqyqtyq jáne áleýmettik mánin ashyp, jańa erejelerdi iske asyrýdyń nátıjesin boljaıdy. Azamattardyń konstıtýsııalyq saýattylyǵyn arttyrýǵa baǵyttalǵan jobadaǵy tyń ıdeıalar men qundylyqtarǵa basymdyq berilgen.
Avtorlyq ujymdy ál-Farabı atyndaǵy QazUÝ basqarma tóraǵasy, rektor, fılologııa ǵylymdarynyń doktory, professor, Konstıtýsııalyq komıssııa múshesi Janseıit Túımebaev basqardy. Basylymdy daıyndaýǵa ýnıversıtettiń birinshi prorektory, professor, Konstıtýsııalyq komıssııa múshesi Erkin Dúısenov pen ýnıversıtettiń 30-ǵa jýyq professor-oqytýshysy qatysqan.
Ulytaýda Konstıtýsııalyq reformanyń máni men mańyzy talqylandy
Qoǵamdyq talqylaý barysynda on myńnan astam azamat óz usynysyn engizip, QazUÝ ǵalymdarynyń ıdeıasy jańa jobada tikeleı kórinis tapqany atap ótildi. Avtorlardyń aıtýynsha, jańa Konstıtýsııany qabyldaý qajettiligi sıfrlandyrý, ekologııalyq qaýipter, ınnovasııalardyń damýy, menshiktiń jańa nysandarynyń paıda bolýy men álemdik saıası-ekonomıkalyq jaǵdaıdyń ózgerýi sııaqty qazirgi zamanǵy syn-qaterlermen baılanysty týǵan.
«Jańa Konstıtýsııa jobasynda memlekettik bıliktiń birden-bir bastaýy ári egemendiktiń ıesi – Qazaqstan halqy ekeni bekitilgen, al memlekettiń eń joǵary qundylyqtary retinde adam, onyń ómiri, quqyqtary men bostandyqtary tanylady. Jańa preambýlada halyq birligi, Uly Dalanyń myńjyldyq tarıhynyń sabaqtastyǵy, memlekettiń ýnıtarlyq sıpaty, aýmaqtyq tutastyǵy men shekarasynyń myzǵymastyǵy aıqyn kórsetilgen. Sonymen qatar mádenıet, bilim, ǵylym men ınnovasııany damytý, tabıǵatqa uqypty qaraý, ózge memlekettermen dostyqqa umtylý sııaqty qundylyqtar kórinis tapqan» dedi professor Erkin Dúısenov.
Joba 11 bólimge biriktirilgen 96 baptan turady. «Konstıtýsııalyq qurylystyń negizderi» dep atalǵan I bólimde jáne onda memlekettiń negizgi qaǵıdattary – egemendik pen táýelsizdik, zań ústemdigi, adam quqyqtaryn qorǵaý jáne jalpyulttyq birlikti nyǵaıtý bekitilgen.
Konstıtýsııa jobasynyń negizgi erejelerinen habardar etti
«Menshik quqyǵyn qorǵaý men menshik ıeleriniń jaýapkershiligine, sondaı-aq qorshaǵan ortany qorǵaýǵa erekshe mán berilgen. Alǵash ret konstıtýsııalyq deńgeıde árkimniń eńbek etýge jáne kásipti erkin tańdaýǵa quqyǵy bekitiledi. Adamı kapıtaldy, bilimdi, ǵylym men ınnovasııalardy damytý memlekettiń strategııalyq baǵyty retinde tanylady. Qujatta er men áıeldiń erikti odaǵy retindegi neke men otbasyn qorǵaý normalary da bekitilgen», dep atap ótti QazUÝ zań fakýltetiniń dekany, professor Ýalıhan Ahatov.
Sonymen qatar joba jańa memlekettik ınstıtýttardy qurýdy kózdeıdi. Oqýlyq avtorlarynyń pikirinshe, Konstıtýsııadaǵy ózgerister memlekettiń ary qaraıǵy damýyna, el azamattarynyń quqyǵyn qorǵaýǵa negiz bolady.
Almaty
