Foto: TJM
Komıssııa jumysyna Ishki ister, Densaýlyq saqtaý, Eńbek jáne halyqty áleýmettik qorǵaý, Energetıka, О́nerkásip jáne qurylys, Ádilet, Saýda jáne ıntegrasııa mınıstrlikteriniń ókilderi, sondaı-aq Aqmola oblysy ákimdigi qatysady. Komıssııa tóraǵasy – TJM basshysy.
Komıssııaǵa oqıǵanyń sebepterin jan-jaqty ári obektıvti anyqtaý, uqsas jaǵdaılardyń aldyn alý úshin naqty uıymdastyrýshylyq jáne profılaktıkalyq sharalar ázirleý, qaýipsizdik talaptaryn kúsheıtý boıynsha usynystar engizý mindetteri júkteldi.
Aldyn ala málimet boıynsha, bes qabatty turǵyn úıge japsarlas ornalasqan bir qabatty dámhanada gaz-aýa qospasynyń jarylysy bolǵan. Jarylystan keıin órt shyqqan.
Tótenshe jaǵdaılar departamentiniń bólimsheleri shaqyrtý túskennen keıin bes mınýt ishinde oqıǵa ornyna jetken. Qutqarý jumystary barysynda árqaısysy 50 lıtrlik bes gaz ballony men eki ottegi ballony qaýipsiz jerge shyǵarylyp, qaıtalama jarylystyń aldyn alý múmkin boldy.
Shýchınsktegi jarylys: Zardap shekkenderdiń jaǵdaıy belgili boldy
О́rt sóndirýshiler ǵımarat ishinen 10 adamdy qutqardy. Oqıǵa saldarynan 28 adam zardap shekti. 13 adam aýrýhanaǵa jatqyzyldy. 8 adamǵa medısınalyq kómek kórsetilip, úılerine jiberildi. 7 adam qaza tapty.
Zardap shekkenderge jáne qaza bolǵandardyń otbasylaryna medısınalyq jáne psıhologııalyq kómek kórsetiledi.
