Foto: Aqorda
«Saýda, kólik-logıstıka, energetıka, ónerkásip, aýyl sharýashylyǵy, aqparattyq tehnologııalar, jasandy ıntellekt jáne mádenı-gýmanıtarlyq saladaǵy yqpaldastyq máselelerin jan-jaqty talqyladyq. Naqty ýaǵdalastyqtarǵa qol jetkizdik. Saýda-ekonomıka jáne ınvestısııa salasyndaǵy baılanysty damytý qajettigine basa nazar aýdardyq. Qazir eki eldiń arasyndaǵy alys-beris kóbeıip keledi. Elimizde 60-qa jýyq serb kompanııasy tabysty jumys istep jatyr. Degenmen bizdiń ekonomıkalyq áleýetimiz budan áldeqaıda joǵary. Sondyqtan saýda-sattyq kólemin ulǵaıtýǵa kelistik. Memleketterimizdiń múddesine saı keletin jańa ınvestısııalyq jobalardy pysyqtaýǵa ýaǵdalastyq. Ekonomıkalyq yntymaqtastyq jónindegi úkimetaralyq komıssııa bul jumysqa basa mán berýi qajet», dedi Prezıdent.
Memleket basshysy elimizge Aleksandr Výchıchpen birge iri kásipkerler kelgenin, sapar qarsańynda Qazaqstan – Serbııa Iskerlik keńesiniń otyrysy ótkenin eske saldy.
«Bıznes ókilderi arasyndaǵy baılanysty kúsheıtý qajet ekenin atap óttik. Jalpy, biz Serbııa kásipkerlerine qolaıly jaǵdaı jasaýǵa daıynbyz. Kólik jáne logıstıka salasyndaǵy yntymaqtastyqty keńeıtýge aıryqsha nazar aýdardyq. Byltyr Astana men Belgrad arasynda tikeleı áýe reısi ashyldy. Bul – yqpaldastyǵymyzdy damytý jolyndaǵy mańyzdy qadam. Sondaı-aq Transkaspıı halyqaralyq kólik dáliziniń tranzıttik múmkindikterin tıimdi paıdalaný, júk tasymaldaıtyn jańa baǵyttar ashý máselesine toqtaldyq. Infraqurylym salasyndaǵy áriptestikti nyǵaıtý joldaryn talqyladyq. Tıisti mınıstrlikter men operatorlarǵa naqty yntymaqtastyq tásilderin aıqyndaýdy usyndyq. Energetıka salasynda asa mańyzdy mıneraldardy óndirý jáne óńdeý, qosylǵan quny joǵary óndiristerdi damytý úshin ózara is-qımyldy kúsheıtýge kelistik», dedi Qasym-Jomart Toqaev.
Memleket basshysy Serbııa Prezıdentin «Altyn Qyran» ordenimen marapattady
Prezıdent beıbit atom energetıkasy boıynsha tájirıbe almasý múmkindigi qarastyrylǵanyn jetkizdi.
«Kelissóz barysynda jasandy ıntellektini jáne zamanaýı sıfrlyq tehnologııany jappaı engizý strategııalyq turǵyda mańyzdy ekenin atap óttik. Osy baǵytta birlesip jumys isteýge daıyn ekenimizdi rastadyq», dedi Memleket basshysy.
Qazaqstan men Serbııa prezıdentteri keńeıtilgen quramda kelissóz júrgizdi
Qasym-Jomart Toqaevtyń aıtýynsha, aýyl sharýashylyǵy salasynda zor múmkindik bar.
«Biz agroónerkásip keshenindegi áriptestikti jandandyrýǵa múddeli ekenimizdi bildirdik. Sonyń ishinde ósimdik, tuqym sharýashylyǵy salasyndaǵy yntymaqtastyqty nyǵaıtamyz dep kelistik. Serbııalyq «Mambikom Agrar» kompanııasy Qazaqstanda muzdatylǵan ónimder shyǵaratyn zaýyt ashýǵa nıet tanytyp otyr. Bul qadam agrarlyq sektordaǵy yqpaldastyqty jańa deńgeıge kóteredi dep senemiz. Sondaı-aq biz mádenı-gýmanıtarlyq, bilim berý jáne týrızm salasyndaǵy qarym-qatynasty damytýǵa ýaǵdalastyq», dedi Prezıdent.
Bıyl Serbııa men Qazaqstannyń dıplomatııalyq qarym-qatynas ornatqanyna 30 jyl tolady
