Bul rette Qazaqstan «EXPO 2027 Belgrade» kórmesine qatysyp, óz tájirıbesin bólisýge daıyn.
«Jalpy, búgingi kelissózder óte tabysty boldy. Birlesken málimdeme qabyldadyq. Jan-jaqty yntymaqtastyqqa tyń serpin beretin birqatar mańyzdy qujatqa qol qoıdyq. Osy kelisimderdiń nátıjesinde eki eldiń qarym-qatynasy nyǵaıa túsetini sózsiz», dedi Qasym-Jomart Toqaev.
Memleket basshysy Serbııa Prezıdentin «Altyn Qyran» ordenimen marapattady
Sondaı-aq taraptar halyqaralyq jáne aımaqtyq máseleler jóninde pikir almasqan.
«Jahandyq geosaıası ahýaldyń ýshyǵýyna, qaqtyǵystardyń kóbeıýine bárimiz alańdap otyrmyz. Álemdegi kóptegen túıtkilge qatysty memleketterimizdiń ustanymy – uqsas. Birikken Ulttar Uıymy Jarǵysynyń jáne halyqaralyq quqyq normalarynyń talaptary qatań saqtalýǵa tıis. Kez kelgen janjaldy kelisim arqyly dıplomatııalyq jolmen sheshý qajet dep sanaımyz. Biz bolashaqta da halyqaralyq deńgeıde kúsh biriktirip, tıimdi jumys isteýge, beıbitshilik pen turaqtylyqty qamtamasyz etýge belsene atsalysamyz dep kelistik. Búgingi sapar eki eldiń yntymaqtastyǵyn odan ári nyǵaıta túsetini anyq. Buǵan qos tarap ta múddeli. «Jumyla kótergen júk jeńil» deıdi. Birlesip áreket etsek, ortaq maqsattarǵa qol jetkizemiz dep senemin», dedi Qazaqstan Prezıdenti.
Bıyl Serbııa men Qazaqstannyń dıplomatııalyq qarym-qatynas ornatqanyna 30 jyl tolady
