Osyǵan oraı elimizdiń sheteldegi dıplomatııalyq mekemeleri kúsheıtilgen jumys rejımine kóshti. Otandastarǵa qajetti konsýldyq-quqyqtyq kómek kórsetilip jatyr. Qaqtyǵys aımaǵynda jáne oǵan irgeles elderde, sondaı-aq tranzıttik aýmaqtarda júrgen azamattardyń tizimderi únemi jańartylyp otyrady. Messendjerler arqyly jedel chattar iske qosylyp, azamattardyń suraqtaryna jaýap berilip, eldegi ahýal jóninde naqty aqparat pen usynystar joldanyp jatyr.
Iranda Alı Hameneıdiń ornyna ýaqytsha kóshbasshy taǵaıyndaldy
Mınıstrliktiń ózinde jáne sheteldegi mekemelerinde shuǵyl baılanys jelileri ashylǵan. Qaqtyǵys aımaǵynda júrgen qazaqstandyqtardyń naqty sany týraly málimet jınaqtalyp jatyr. Bul rette tranzıttik aımaqtardaǵy azamattardyń qozǵalysy jıi ózgeretindikten, olardyń naqty sanyn dál aıtý qıyn ekeni de atap ótildi.
Dıplomatııalyq ókildikterdiń qyzmetkerleri týrıstik kompanııalarmen birlesip, áýejaılar men tranzıttik aımaqtarda qalǵan azamattardy ýaqytsha ornalastyrý, baǵyt-baǵdar berý máselelerinde qoldaý kórsetip otyr. Sonymen qatar Qazaqstan azamattaryn qaýipti aımaqtardan shyǵarý joldary men baǵyttary da pysyqtalyp jatyr.
Mınıstrlik qosymsha túsindirmeler men ózekti aqparatty resmı resýrstar arqyly, sondaı-aq Kaspi Travel qosymshasyna jiberiletin habarlamalar arqyly taratyp otyratynyn habarlady. Azamattarǵa sabyr saqtap, jergilikti bılik organdarynyń talaptary men usynymdaryn oryndaý, qaterli aımaqtardan aýlaq bolý jáne engizilgen shekteýlerge túsinistikpen qaraý jóninde úndeý jasaldy.
Qazir Qazaqstan azamattary arasynda zardap shekkender týraly aqparat tirkelgen joq. Jaǵdaı ózgergen jaǵdaıda tıisti málimet jedel túrde jarııalanady. Osyǵan baılanysty Syrtqy ister mınıstrligi men sheteldegi mekemelerdiń resmı habarlamalaryn muqııat qadaǵalaý usynylady.
