Sýret: inbusiness.kz
Alqa otyrysynda agenttik tóraǵasy Darhan Jazyqbaı 2025 jyl memlekettik qyzmet júıesi ınstıtýsıonaldyq turǵydan jańǵyrtylǵan jyl bolǵanyn atap ótti.
«Byltyr memlekettik qyzmetti damytýdyń 2024–2029 jyldarǵa arnalǵan Tujyrymdamasyn júzege asyrý maqsatynda «Memlekettik qyzmet týraly» jańa zań jobasy ázirlenip, jeltoqsan aıynda Májilis qaraýyna engizildi. Bul qujat qazirgideı tek eńbek qatynastaryn, ıaǵnı memlekettik qyzmetke kirý, ótkerý, ony toqtatý máselelerin retteýmen shektelmeı, eń bastysy – memlekettik qyzmetshiler minez-qulqynyń adamǵa baǵdarlanǵan úlgisin bekitýdi kózdeıdi», dedi D.Jazyqbaı.
Sondaı-aq ótken jyly Prezıdenttik jastar kadr rezervine tórtinshi irikteý kezeńi ótti. Nátıjesinde, rezerv 6 baǵyt boıynsha 50 salalyq bilikti mamanmen tolyqty. Jyl ótken saıyn jobaǵa qyzyǵýshylyq artyp keledi. Máselen, 2019 jyly 13 myń azamat qatysýǵa nıet bildirse, 2025 jyly bul kórsetkish 32 myńǵa jetti. Jalpy rezervke alynǵan 450 azamattyń 337-si búginde túrli salalarda eńbek etip jatyr. О́ńirlik kadr rezervter de naqty nátıje kórsetti. 538 rezervshiniń 260-y jańa laýazymdarǵa taǵaıyndalyp, olardyń 193-i jergilikti atqarýshy organdarda basshylyq qyzmetke ornalasty.
Salada talanttardy tartýdyń ózge de tetikteri qoldanylyp keledi. 735 úzdik túlek (GPA 3,33-ten tómen emes) konkýrstan tys aýyldyq jáne aýdandyq deńgeıdegi laýazymdarǵa qabyldandy. Agenttik 964 joǵary laýazymǵa konkýrssyz taǵaıyndaýdy kelisip, olardyń 19,5%-y kvazımemlekettik, jeke sektor ókilderi boldy.
– «E-qyzmet» júıesiniń tájirıbesi álemdik deńgeıde joǵary baǵalandy. Ashyp aıtsaq, Ekonomıkalyq yntymaqtastyq pen damý uıymynyń halyqaralyq OPSI platformasynda memlekettik sektordaǵy úzdik ınnovasııalyq joba retinde jarııalandy. Bul elimizdiń memlekettik qyzmettegi personaldy basqarýdy sıfrlandyrýdaǵy jetistiginiń jahandyq deńgeıde moıyndalýyn bildiredi. El tájirıbesi ózge elderge utymdy tájirıbe retinde usynylady. Qazirgi tańda birqatar memleket qazaqstandyq modelge qyzyǵýshylyq tanytyp otyr, – dedi agenttik tóraǵasy.
Byltyr «Biryńǵaı kadrlyq júıe» arqyly bıýdjettik uıymdardaǵy kadrlyq is júrgizý tolyq avtomattandyryldy. Josparlanǵan 2,4 myń uıymnyń ornyna 2,9 myń uıym júıege qosyldy. 482 myń qyzmetkerdiń sıfrlyq profıli qalyptastyryldy. Proaktıvti baqylaý tetikteri engizilip, múddeler qaqtyǵysyn avtomatty túrde anyqtaý múmkindigi iske qosyldy.
Jasandy ıntellekt quraldaryn engizý, memlekettik qyzmetshilerdi oqytý jumysy jalǵasty. Memlekettik basqarý akademııasynda «Sıfrlyq memlekettik basqarý» magıstrlik baǵdarlamasy iske qosyldy.
«AI Qyzmet» baǵdarlamasy negizinde 52 myńnan asa ákimshilik qyzmetshi oqytyldy, al «AI Governance 500» baǵdarlamasy aıasynda 100 saıası qyzmetshi bilim aldy.
Memlekettik qyzmet kórsetý salasynda servıstik, klıentke baǵdarlanǵan model nyǵaıtyldy. Qashyqtan monıtorıng nátıjesinde 2 600-den asa azamattyń quqyǵy proaktıvti túrde qalpyna keltirildi. Memlekettik qyzmetshilerdiń quqyqtaryn qorǵaý, ádep normalaryn saqtaý máselesine de erekshe nazar aýdaryldy. Byltyr 19 007 buzýshylyq anyqtaldy. Profılaktıkalyq jumys aıasynda 28 myńnan asa is-shara ótkizildi.
Memlekettik apparatty bıýrokratııadan aryltý jumysy aıasynda 1 335 usynys ázirlenip, onyń 406-sy iske asyryldy. Júrgizilgen taldaýlar nátıjesinde mıllıardtaǵan teńge kólemindegi táýekelderdiń aldyn alý sharalary qabyldandy.
Aıta keteıik, jıynǵa Prezıdent Ákimshiliginiń ókilderi, Májilis depýtattary, Ulttyq qaýipsizdik komıteti basshylyǵy, Prezıdent janyndaǵy Memlekettik basqarý akademııasy, agenttik janyndaǵy Qoǵamdyq keńes, Ádep jónindegi komıssııa, Bıýrokratııadan aryltý jáne sybaılas jemqorlyqqa qarsy saıasatty iske asyrý jónindegi konsýltatıvtik-saraptamalyq top músheleri, sondaı-aq agenttiktiń aýmaqtyq bólimsheleri men Memlekettik basqarý akademııasynyń fılıaldary onlaın qatysty.
