Foto: gov.kz
«Qazaqfılm» kınostýdııasynyń qyzmetkeri, ssenarıst Bekbolat Shekerov óz sózinde Konstıtýsııa – memleket turaqtylyǵynyń, quqyqtyq tártip pen azamattyq jaýapkershiliktiń berik negizi ekenin aıtty. Negizgi zańnyń damýy men jetildirilýi eldiń bolashaǵyna tikeleı áser etetin mańyzdy úderis ekenine toqtaldy.
«Ata zańǵa degen qurmet – ortaq qundylyqtarǵa degen qurmet. Barshańyzdy aldaǵy respýblıkalyq referendýmda daýys berýge shaqyramyn», dedi B. Shekerov.
Sondaı-aq Qazaqstannyń eńbek sińirgen qaıratkeri Sanjan Sabyrǵalıeva álemdik tájirıbede eldiń jarqyn bolashaǵyn qalyptastyrý úshin mańyzdy sheshimderdi qabyldaý qalypty qubylys ekenin atap ótti.
«Biz de sondaı mańyzdy sheshim qabyldaý qarsańynda turmyz. 15 naýryzda Ata zańnyń jańa jobasyna daýys berý boıynsha referendým ótedi. Bul árbir azamat úshin elimizdiń erteńine beıjaı qaramaı, óz tańdaýyn jasaýǵa berilgen zor mártebe», dedi S. Sabyrǵalıeva.
Referendým kezinde shalǵaıda júrgen azamattar qalaı daýys beredi?
Balet ártisi Anar Rysqulova referendýmda daýys berý – Qazaqstan tarıhyndaǵy jańa kezeńniń ortaq avtory bolýǵa múmkindik ekenin jetkizdi.
«Konstıtýsııa – bizdiń ortaq úıimizdiń irgetasy. Erteńgi referendýmda árbir adamnyń daýysy mańyzdy. 15 naýryzda kezdesemiz», dep oıyn túıindedi A.Rysqulova.
Sonymen bige «Qurmet» ordeniniń ıesi, dırıjer Abylaı Tilepbergen de aıtýly naýqannan qalys qalmaı, bul referendým óz ómirindegi aıryqsha oqıǵa bolyp otyrǵanyn aıtty.
«Men, birinshiden, Qazaqstan Respýblıkasynyń azamaty retinde, ekinshiden, óner adamy retinde barshańyzdy referendýmǵa qatysýǵa shaqyramyn. О́z daýysymyzdy berip, elimizdiń jaqsy jaqqa qaraı ózgerýine sebepshi bolaıyq», dedi A. Tilepbergen.
Referendým-2026: Daýys berý ýchaskesin JSN arqyly qalaı tabýǵa bolady?
