Qasym-Jomart Toqaev Saýd Arabııasynyń Taq muragerimen telefon arqyly sóılesti

30 ret

kórsetildi

1 mın

oqý úshin

Prezıdent Qasym-Jomart Toqaev Saýd Arabııasynyń Taq murageri Muhammed ben Salman Ál Saýdpen telefon arqyly sóılesti. Memleket basshysy Taq muragerimen áńgimelesý barysynda Taıaý Shyǵystaǵy qaqtyǵystyń ýshyǵýy aımaqtyq qana emes, jahandyq qaýipsizdik pen turaqtylyqqa orasan qater tóndiretinine nazar aýdardy, dep jazady Egemen.kz Aqordanyń baspasóz qyzmetine silteme jasap.

Dana MYRZAQADIR

Qasym-Jomart Toqaev Saýd Arabııasynyń Taq muragerimen telefon arqyly sóılesti

Foto: Aqorda

Prezıdent pen Taq murageri qaqtyǵysqa qatyspaǵan elderdiń aýmaǵyna shabýyldardyń jalǵasýy musylman úmbetiniń ózara qurmet pen tózimdilik tanytatyn aıynda oryn alǵanyna qynjylatyndaryn jetkizdi. Memleket basshysy otandastarymyzdy Qazaqstanǵa evakýasııalaýǵa kómektesken Koroldik Úkimetine alǵys aıtty.

О́z kezeginde Taq murageri qoldaý kórsetkeni úshin Qasym-Jomart Toqaevqa rızashylyǵyn bildirip, qasıetti Ramazan aıynda Qazaqstan halqyna izgi tilegin joldady.

Taraptar ekijaqty qatynastardy jańa ári sapaly deńgeıge kóterý, sondaı-aq halyqaralyq arenadaǵy birlesken kúsh-jigerdi úılestirý maqsatynda turaqty saıası dıalogty arttyrýǵa ýaǵdalasty.

Buǵan deıin Prezıdent Oman Sultany jáne Bahreın Korolimen telefon arqyly sóıleskenin habarlaǵanbyz.