Foto: Áset Qundaqbaev
Mereke qarsańynda Bas prokýratýra alaıaqtardyń azamattardy aldaýda keń qoldanatyn tásilderin jarııalady:
- Gúl nemese syılyq jetkizý rásimdelgeni týraly habarlap, «tapsyrysty rastaý úshin» SMS-kodty aıtýyn suraý;
- Jalǵan utys, bonýs nemese aksııa týraly habarlap, telefonǵa kelgen rastaý kodyn aıtýdy talap etý;
- О́zderin bank qyzmetkeri, qaýipsizdik qyzmetiniń ókili nemese kýrerlik kompanııa qyzmetkeri retinde tanystyrý.
«Bir rettik SMS-kod qarjylyq operasııalardy rastaýǵa arnalǵan qupııa qural ekenin este ustaǵan jón. Mundaı kodty úshinshi tulǵalarǵa berý aqshalaı qarajattyń esepten shyǵarylýyna, nesıe rásimdelýine nemese bank qosymshańyzǵa qol jetkizýge ákep soǵýy múmkin. Bankterdiń qyzmetkerleri, quqyq qorǵaý organdary da telefon arqyly SMS-kodtardy, qupııa sózderdi jáne bank kartasynyń derekterin suratpaıdy», delingen habarlamada.
IIM azamattarǵa úndeý jasady: Shetelde jumys isteımin dep san soǵyp qalmańyz
Keıbir jaǵdaılarda taýarlardy nemese bank ónimderin resmı jetkizý kezinde rastaý kody shyn máninde qoldanylady. Alaıda ol tek siz aldyn ala rásimdegen tapsyrys boıynsha, jetkizýdi kútip otyrǵan jaǵdaıda jáne taýardy alǵanyńyzdy rastaý úshin paıdalanylady. Eger jetkizý týraly qońyraý nemese habarlama kútpegen jerden kelip, sizden kodty aıtý suralsa, áńgimeni dereý toqtatý qajet.
Sonymen qatar mereke qarsańynda alaıaqtar áleýmettik jelilerde, onyń ishinde Instagram jáne TikTok platformalarynda jalǵan paraqshalar ashyp, gúlder men basqa da taýarlardy aıtarlyqtaı tómen baǵamen, iri jeńildiktermen jáne aksııalarmen usynyp, aldyn ala tólem talap etedi. Aqsha alǵannan keıin mundaı paraqshalar qyzmetin toqtatyp, satýshymen baılanysý múmkin bolmaı qalady.
Memleket basshysy alaıaqtyqqa qarsy kúrestiń jańa tásilderin oılastyrýdy tapsyrdy
Gúlder men syılyqtardy tek senimdi satýshylardan tapsyrys berýge, tólem jasaǵan kezde alýshynyń derektemelerin muqııat tekserip, kúmándi siltemelerge ótpeý qajet. Sondaı-aq qandaı jaǵdaı bolmasyn bógde adamdarǵa SMS-kodtar men bank derekteri berilmeýi kerek. Kúdik týyndaǵan jaǵdaıda bankke resmı nómir arqyly ózińiz habarlasyp, qajet bolǵan kezde quqyq qorǵaý organdaryna dereý júgingen jón.
