Foto: Ashyq derekkóz
Nurbolat Aıdapkelovtyń málimdeýinshe, Memleket basshysynyń tapsyrmasy boıynsha Báıterek holdıngi óziniń enshiles uıymdary – Qazaqstan turǵyn úı kompanııasy jáne «Otbasy bank» arqyly turǵyn úı qurylysyn qoldaýda belsendi jumys atqarǵan. 2025 jyly osy qurylymdar arqyly turǵyn úı qurylysyna jalpy 2,35 trln teńge baǵyttalǵan.
«Qazaqstan turǵyn úı kompanııasynyń aǵymdaǵy qarjy kózderi men naryqtyq qaryzdar esebinen turǵyn úı qurylysyn qoldaýǵa bólingen soma – 707,5 mlrd teńge», dedi ol.
Bul qarajat 3 mln sharshy metr turǵyn úıdi nemese 35,6 myń páterdi paıdalanýǵa berýge múmkindik bergen. El boıynsha kóppáterli turǵyn úıdi iske qosýda kompanııanyń úlesi – 22%.
Astanada úleskerlerdi aldaǵan turǵyn úı keshenderine qatysty qylmystyq is qozǵaldy
Sonymen qatar 238,2 mlrd teńge kólemindegi oblıgasııalyq qaryzdar naryqtyq sharttarmen tartylyp, óńirlerge baǵyttalǵan, onyń ishinde:
- Jalǵa beriletin turǵyn úıge 150,4 mlrd teńge;
- Injenerlik ınfraqurylymdy júrgizýge 87,8 mlrd teńge.
Kredıttik turǵyn úıdi qarjylandyrý sheńberinde 140,2 mlrd teńgege ákimdikterdiń baǵaly qaǵazdary satyp alynǵan. Osylaısha, aǵymdaǵy kózder men naryqtyq qarajatty aralastyrý arqyly 1,8 mln sharshy metr nemese kezekte turǵandar úshin 23 myńǵa jýyq áleýmettik páter belgilengen baǵamen berilgen.
Bıylǵy jyly Qazaqstan turǵyn úı kompanııasy arqyly qoldaý somasy 700 mlrd teńgeden asyp, shamamen 2,2 mln sharshy metr turǵyn úı tapsyrylady. Turǵyn úı qurylys jınaqtary júıesi boıynsha 2025 jyly «Otbasy bank» halyqqa jalpy somasy 1 trln 645 mlrd teńgege 77 148 qaryz bergen.
«2026 jyly 70 myńnan astam otbasyǵa «Otbasy banktiń» barlyq baǵdarlamalary boıynsha jeńildetilgen ıpotekalyq kredıt arqyly 1 trln 630 mlrd teńge somasyna ıpotekalyq qaryzdar beriledi. Osylaısha, «Báıterek» holdıngi 2026 jyly turǵyn úı qurylysyna shamamen 2,4 trln teńge somasynda qoldaý kórsetedi», dedi Nurbolat Aıdapkelov.
