vıdeodan alynǵan kadr
Ápkesi málimdegendeı, qazir Ásem polısııa bólimshesinde.
«Ol tiri, biraq jaǵdaıy alańdatarlyq. Qazir tergeý júrip jatyr, sondyqtan barlyq málimetti jarııalaı almaımyz. Eń bastysy ol tabyldy», dedi ápkesi.
Eske salsaq, Ásem 6 naýryzda Hoshımın qalasynda joǵalyp ketken bolatyn. Sol kúni ol qazaq konsýlymen kezdesýge Hanoıǵa ushýy tıis edi, alaıda áýejaıdan 20 shaqyrym qashyqtyqta baılanys úzilgen. Týystarynyń aıtýynsha, sol kezde Ásem qatty qorqyp, ony bireý ańdyp júrgenin aıtqan.
Keıinirek onyń 6 naýryz saǵat 15:08-de taksı qosymshasynda sapardan bas tartqan áreketi anyqtaldy.
Týystarynyń aıtýynsha, Ásem joǵalardan buryn amerıkalyq áıelmen birge túski as ishken, al otbasymen sońǵy sóılesýinde onyń sózi túsiniksiz aıaqtalǵan.
Keıin Qazaqstan Syrtqy ister mınıstrligi Ásemniń týystarymen jáne ony izdep jatqan Vetnamnyń quzyrly organdarymen baılanysta ekenin habarlady.
