Aqmola oblysynda erekshe kórinis: saılaýshylar ýchaskege búrkit pen tazy alyp keldi

20 ret

kórsetildi

1 mın

oqý úshin

Aqmola oblysynda daýys berý kúni erekshe kórinistermen este qaldy. Keıbir turǵyndar referendým ýchaskesine ulttyq dástúrdi kórsetetin erekshe tásilmen kelgen, dep habarlaıdy Egemen.kz.

Baıan SÚLEIMENQYZY

Aqmola oblysynda erekshe kórinis: saılaýshylar ýchaskege búrkit pen tazy alyp keldi

foto: sputnik.kz

Aqmola oblysynda daýys berý kúni óńir turǵyndary azamattyq belsendilik tanytyp qana qoımaı, ulttyq dástúrdi de dáriptedi. Áleýmettik jelilerde taraǵan aqparatqa sáıkes, óńirdegi daýys berý ýchaskeleriniń birine turǵyn búrkitin alyp kelgen. Bul kórinis kópshiliktiń nazaryn aýdaryp, daýys berý barysyna erekshe atmosfera syılaǵan.

Almatyda saılaýshylarǵa fotoaımaq uıymdastyryldy

Taǵy bir saılaýshy ýchaskege qazaqtyń tazy tuqymdy ıtin ertip kelgen. Ulttyq ańshylyq mádenıetiniń sımvoly sanalatyn tazy men búrkittiń saılaý ýchaskesinde kórinýi jurtshylyq tarapynan qyzyǵýshylyq týdyryp, jeli qoldanýshylary arasynda keń talqylandy.

Jalpy Aqmola oblysynda daýys berý prosesi belsendi ótip jatyr. О́ńirde barlyǵy 760 referendým ýchaskesi jumys isteıdi. Olardyń ishinde 700 ýchaske azamattardyń turaqty tirkelgen jerinde, al 60 ýchaske ýaqytsha ornalasý oryndarynda – aýrýhanalarda, áskerı bólimderde jáne jabyq mekemelerde uıymdastyrylǵan.

Astana ákimi referendýmda daýys berdi

Referendým ýchaskelerinde daýys berý tynysh ári uıymdasqan túrde ótip jatqany habarlanyp otyr. Tańerteńnen bastap turǵyndar otbasymen kelip, óz tańdaýyn jasap jatyr.