Astanada referendým ýchaskesine robot-ıtpen kelgen qyz jurt nazaryn aýdardy

20 ret

kórsetildi

1 mın

oqý úshin

Astanadaǵy referendým ýchaskeleriniń birinde erekshe kórinis turǵyndardyń nazaryn aýdardy. Daýys berýge aq halat kıip, úıge arnalǵan aıaqkıimmen kelgen qyz qasyna robot-ıtti ertip alǵan. Erekshe performans kópshiliktiń qyzyǵýshylyǵyn týdyrdy, dep habarlaıdy Egemen.kz.

Baıan SÚLEIMENQYZY

Astanada referendým ýchaskesine robot-ıtpen kelgen qyz jurt nazaryn aýdardy

Qyz saılaý ýchaskesine kirgen sátten bastap-aq nazarǵa ilikti. Aq halat pen robot-ıttiń úılesimi jurtshylyqqa erekshe áser qaldyrdy. Kóptegen adamdar bul sátti áleýmettik jelilerge jarııalap, kadrlar qysqa ýaqytta Telegram-arnalar men basqa platformalarda keń tarady.

Robot-ıt qyzdy daýys berý rásimi barysynda birge ertip júrgen. Degenmen, ol daýys berý prosesine esh kedergi keltirmegen. Qyz tirkeýden ótip, daýysyn berip, referendým bıýlletenin jáshikke salǵan.

Saılaý ýchaskesindegi baqylaýshylar men azamattar bul kórinisti erekshe ári qyzyqty sát retinde baǵalady.

Aqmola oblysynda erekshe kórinis: saılaýshylar ýchaskege búrkit pen tazy alyp keldi

Eske salaıyq, bul qyz 2024 jyly Atom elektr stansııasynyń (AES) máselesi boıynsha ótken referendýmǵa da aq halatpen kelgen. Bıylǵy referendýmda da ol óz dástúrin jalǵastyryp, daýys berý rásimin erekshe formatta ótkizdi.