Solardyń qatarynda 57 jyl otasqan Rysbek Qutjanov pen Násip Ábisheva da bar. Úlgili jup eldik mańyzy bar naýqannan shet qalmaı, №100 ýchaskege kelip, azamattyq boryshtaryn oryndady.
Otaǵasy Rysbek Qutjanov búginde 79 jasta. Qarııanyń aıtýynsha, el bolashaǵyna qatysty mańyzdy bastamalardan tys qalmaı, daýys berý – ár azamattyń paryzy.
– Biz árdaıym el ómirindegi mańyzdy is-sharalarǵa qatysýǵa tyrysamyz. Búgingi referendým da memleketimizdiń bolashaǵyna qatysty mańyzdy qadam dep oılaımyn. Sondyqtan óz tańdaýymyzdy jasap, azamattyq mindetimizdi oryndaýǵa keldik. Elde turaqtylyq pen birlik bolsyn, – deıdi qarııa.
Úlgili jupqa ýchaske tóraǵasy arnaıy estelik syılyq tabystap, alǵys bildirdi.
Jalpy, atalǵan referendým ýchaskesinde shamamen 3000-ǵa jýyq saılaýshy tirkelgen. Tańǵy ýaqyttan bastap qala turǵyndary belsendilik tanytyp, daýys berý barysy uıymdasqan túrde ótip jatyr.
Sondaı-aq ýchaskede daýys berýshiler úshin «Jádiger» qolónershiler qaýymdastyǵy sheberleri ulttyq qolóner kórmesin usynyp, kelýshiler nazaryna qazaqy naqyshtaǵy kıim-keshekter men kózdiń jaýyn alatyn áshekeı buıymdaryn qoıdy. Barlyǵy da sheberlerdiń óz qolynan shyqqan týyndylar.
Qostanaıda referendým ýchaskesine Qydyr ata kelip, turǵyndarǵa bata berdi
Daýys berýge kelgen turǵyndar óz tańdaýlaryn jasap bolǵan soń, kórmeni tamashalap, ulttyq qolóner buıymdarymen jaqyn tanysýǵa múmkindik aldy.
Qaraǵandy oblysy
