Chempıondar birden-aq qatysýshylardyń qyzyǵýshylyǵyn týdyrdy: kóbisi áleýmettik jelilerde jarııalaý úshin sportshylarmen fotosýretter men vıdeo túsirýge kirisip ketti.
Aıta keteıik, daýys bergenderdiń qatarynda Ulttyq olımpıada komıtetiniń prezıdenti, «World Boxing» uıymynyń basshysy Gennadıı Golovkın de bar. Qazaqstandyq boks juldyzy qazir Bangkokta. Gennadıı Golovkın World Boxing Futures Cup 2026 halyqaralyq týrnırine qatysýǵa daıyndalyp jatyr.
Sportshy Qazaqstannyń Taılandtaǵy elshiligi janyndaǵy № 421 referendým ýchaskesinde óz tańdaýyn jasady. Gennadıı Golovkın azamattardyń el úshin mańyzdy sheshimder qabyldaýǵa qatysýynyń qajettiligin aıtyp, memleketti odan ári damytý men nyǵaıtýdaǵy respýblıkalyq referendýmnyń rólin atap ótti.
Referendým kúni Almatydaǵy ýchaskelerdiń birinde «Ájeler hory» án aıtty
Esterińizge sala keteıik, búgin barlyq nazar jańa Konstıtýsııany qabyldaý jónindegi respýblıkalyq referendýmǵa aýdarylyp otyr. Ýchaskelerde daýys berý tańǵy 7-den bastalyp, keshki 20:00-ge deıin jalǵasady. OSK derekteri boıynsha tizimge 12 461 796 azamat engizilgen. Jalpy ýchaskelik komıssııalar azamattardyń jazbasha ótinishteri boıynsha daýys berý quqyǵyna 17 514 esepten shyǵarý kýáligin berdi. Elimiz boıynsha daýys berý úshin barlyǵy 10 388 ýchaske ashyldy. Onyń ishinde Qazaqstan Respýblıkasynyń shet memleketterdegi ókildikteri janynan 54 elde 71 ýchaske jumys istep tur.
Jetisýda 105 jastaǵy áje alǵashqylardyń qatarynda daýys berdi
