Prezıdent daýys bergen soń otandyq jáne sheteldik buqaralyq aqparat quraldarynyń ókilderine arnalǵan brıfıng ótkizdi.
Qasym-Jomart Toqaev búgin elimizdiń damýy men keleshegi úshin erekshe mańyzdy kún ekenin atap ótti.
«Búgin elimizdiń taǵdyryn aıqyndaıtyn kún. Barshańyzǵa qutty bolsyn! Shyn máninde, bul – tarıhı qujat. Ol azamattarymyzdyń quqyqtary men bostandyqtaryna kepildik beredi. Sondyqtan onyń mańyzy óte joǵary. Jańa Konstıtýsııa elimizdiń, jerimizdiń tutastyǵyn, Táýelsizdigi men Egemendigin qorǵaıdy. 1995 jyly qabyldanǵan Konstıtýsııa erekshe ról atqardy. Elimiz 35 jyl osy qujatpen ómir súrdi. Biraq zaman bir orynda turmaıdy. Sol sebepti jańa Konstıtýsııa qabyldaıtyn ýaqyt keldi. Bul jumysqa men de belsene atsalystym. Konstıtýsııanyń preambýlasyn jáne basqa da normalaryn ózim jazdym. Jańa Ata zań el ıgiligine, keleshegine qyzmet etedi dep senemin», dedi Memleket basshysy.
Budan keıin Prezıdent konstıtýsııalyq reformanyń negizgi maqsaty men mindetterine, sondaı-aq halyqaralyq kún tártibine qatysty birqatar saýalǵa jaýap berdi.
ShYU baqylaýshylar mıssııasy Qazaqstandaǵy referendýmnyń tehnıkalyq daıyndyǵyn joǵary baǵalady
