Jańa Konstıtýsııa jobasyna qatysty jalpyhalyqtyq referendýmǵa halyqaralyq baıqaýshy retinde shet memleketter men halyqaralyq uıymdardyń ókilderi qatysyp jatyr. Sonyń biri – Reseı Federasııasy Ortalyq saılaý komıssııasynyń hatshysy Natalıa Býdarına Astanadaǵy birqatar referendým ýchaskesiniń jumysymen tanysyp, daýys berý barysyn baqylap shyqty. Onyń aıtýynsha, referendýmda azamattardyń óz erkin bildirýine tolyq jaǵdaı jasalǵan.
«Búgingideı mańyzdy saıası oqıǵany baqylaý maqsatynda biz kóptegen ýchaskege aldyn ala eskertýsiz bardyq. Eshqandaı artyq áreket baıqalmady. Daýys berý úderisiniń ashyqtyq deńgeıi óte joǵary. Ýchaskelerde kóptegen baqylaýshylar otyr. Bul, sózsiz, Referendým komıssııasynyń qarqyndy jumysynyń nátıjesi», deıdi Natalıa Býdarına.
ShYU baqylaýshylar mıssııasy Qazaqstandaǵy referendýmnyń tehnıkalyq daıyndyǵyn joǵary baǵalady
Halyqaralyq baıqaýshynyń sózinshe, ýchaskelerde daýys berip jatqan azamattardyń qarasy qalyń.
«Turǵyndar tańdaýyn jasaýǵa toqtaýsyz kelip jatyr. Ásirese, kishkentaı balalaryn ertip kelgen otbasylar kózge jyly ushyrady. Qazaqstan úshin tarıhı mańyzdy kúnde bul el azamattarynyń jaýapkershiligin ańǵartady» deıdi N. Býdarına.
TMD PAA baıqaýshylary: Barlyǵy ashyq, ádil jáne zań talaptaryna saı ótip jatyr
