Referendýmnyń basty maqsaty – eldiń negizgi zańyna engiziletin ózgerister men tolyqtyrýlardy halyqtyń tikeleı daýys berýi arqyly qabyldaý. Sarapshylardyń pikirinshe, usynylǵan ózgerister memlekettik basqarý júıesin jetildirýge, demokratııalyq ınstıtýttardy nyǵaıtýǵa jáne azamattardyń quqyqtary men bostandyqtaryn qorǵaýdy kúsheıtýge baǵyttalǵan.
Bahtııor Hýdoıorzoda: Azamattardyń belsendiligi joǵary ekenin kórip otyrmyz
Mańyzdy saıası naýqannyń ashyq ári ádil ótýin qamtamasyz etý úshin referendým barysyn halyqaralyq baqylaýshylar da qadaǵalap otyr. Sondaı-aq kórshi elderdegi saılaý komıssııalarynyń tóraǵalary da birqatar daýys berý ýchaskelerin aralap, referendýmnyń uıymdastyrylý barysymen tanysty.
Armenııa Respýblıkasynyń Ortalyq saılaý komıssııasynyń tóraǵasy Vaagn Mısakovıch Ovakımıan Qazaqstandaǵy referendýmnyń uıymdastyrylýyna oń baǵa berip, azamattardyń óz pikirin erkin bildirýine múmkindik jasalǵanyn atap ótti. Onyń aıtýynsha, mundaı mańyzdy saıası naýqandarǵa halyqaralyq baqylaýshylardyń qatysýy referendýmnyń ashyqtyǵy men senimdiligin arttyrýǵa yqpal etedi.
«Bizdiń maqsatymyz Qazaqstandaǵy referendýmnyń uıymdastyrylý barysymen tanysyp, tájirıbe almasý. Búgin birneshe referendým ýchaskesinde boldym. Baıqaǵanym sizderde barlyq ýchaskelerde memlekettik tý men eltańba ilinip turady eken. Osy úrdis maǵan qatty unady. Taǵy bir aıta keterlik jaıt, referendým óte tynysh, beıbit jaǵdaıda ótip jatqany tańǵaldyrdy. Eshkim ursyp nemese qarsylyq tanytyp jatqan joq. Bizdiń elimizde saılaý nemese referendým tartysty ótedi. Partııalar arasynda ájeptáýir kúres bolady. Sizderde barlyǵy basqasha. Qazaqstan halqynyń aýyzbirshiligine tánti boldym», dedi Armenııa Respýblıkasynyń Ortalyq saılaý komıssııasynyń tóraǵasy.
Halyqaralyq baıqaýshy: Daýys berý úderisiniń ashyqtyq deńgeıi óte joǵary
Onyń aıtýynsha azamattardyń referendýmǵa belsendi qatysýy eldiń saıası júıesin odan ári damytýǵa yqpal etedi.
