Foto: Oqý-aǵartý mınıstrligi
Qazir tehnıkalyq jáne kásiptik bilim berý júıesinde 763 kolledjde shamamen 556 myń stýdent bilim alyp júr. Stýdentterdiń 70% memlekettik bilim berý tapsyrysy boıynsha tegin oqıdy, al kadrlar daıarlaýǵa shamamen 40 myń pedagog tartylǵan.
Osy jumys aıasynda Oqý-aǵartý mınıstrligi ChatGPT Edu bilim berý platformasyn kolledjderge kiriktirý jumysyn júrgizip jatyr. Pedagogtarǵa OpenAI Education for Countries halyqaralyq baǵdarlamasy boıynsha mınıstrlikke berilgen jalpy kvotadan 10 000 lısenzııa bólindi. Qazaqstan osy bastamaǵa qosylǵan Ortalyq Azııadaǵy alǵashqy memleket ekenin eske salaıyq.
ChatGPT Edu pedagogtarǵa sabaq josparlaryn, testter men praktıkalyq keısterdi jedel daıyndaýǵa, kúrdeli tehnıkalyq materıaldardy qazaq, orys jáne aǵylshyn tilderine beıimdeýge, stýdenttermen keri baılanys ornatýǵa múmkindik beredi. Kolledjderdiń oqý úderisinde jasandy ıntellektti qoldaný ekonomıkanyń zamanaýı tehnologııalyq jáne ınnovasııalyq salalarynda jumys isteý úshin qajetti sıfrlyq daǵdylar men quzyretterge ıe mamandardy daıarlaýǵa yqpal etedi.
DeepSeek pen ChatGPT-di jalǵan nusqalardan qalaı ajyratýǵa bolady?
Sonymen qatar, kadr daıarlaýdyń mazmuny da jańartylyp jatyr. Kolledjderdiń bilim berý baǵdarlamalaryna zamanaýı óndiristik tehnologııalar men WorldSkills standarttaryna baǵdarlanǵan sıfrlyq modýlder engizilgen. Sıfrlyq quraldarmen tolyqtyrylǵan zamanaýı sheberhanalar kolledjderdi jastar úshin tartymdy etip, tehnologııalyq turǵydan damyp kele jatqan salalar úshin mamandar daıarlaýǵa yqpal etip jatyr.
