Aıda Balaeva: Memleket kepildik bergen medısınalyq kómektiń kólemi saqtalady

20 ret

kórsetildi

1 mın

oqý úshin

Jańa Konstıtýsııanyń qabyldanýy kepildik berilgen medısınalyq kómek kóleminiń qysqarýyna ákep soqpaıdy, kerisinshe ony qarjylandyrý kózderi keńeıtiledi. Búgin Úkimet otyrysynda «Halyq densaýlyǵy týraly» kodekske engiziletin ózgerister týraly Premer-mınıstrdiń orynbasary – mádenıet jáne aqparat mınıstri Aıda Balaeva aıtyp berdi, dep jazady Egemen.kz.

Dana MYRZAQADIR

Aıda Balaeva: Memleket kepildik bergen medısınalyq kómektiń kólemi saqtalady

Foto: egemen.kz/ Qyrmyzy Jumaǵalıqyzy

Jańa normalarǵa sáıkes, tegin medısınalyq kómekti qarjylandyrýǵa bıýdjetten bólek halyqaralyq uıymdar men ulttyq kompanııalardyń qarajaty tartylady. Mindetti áleýmettik medısınalyq saqtandyrý (MÁMS) paketi joǵary tehnologııalyq qyzmetterge qol jetkizýdiń negizgi quraly bolady. Bul rette árbir azamattyń densaýlyq saqtaý men bıologııalyq qaýipsizdikke kepildik berilgen quqyǵy ózgerissiz qalady.

Premer-mınıstr: Qazaqstandyqtar Memleket basshysynyń barlyq bastamasyn qoldap, naǵyz otanshyldyqtyń úlgisin pash etti

«Memleket kepildik bergen medısınalyq kómektiń kólemi saqtalady. Eń bastysy, azamattardyń quqyǵy saqtalyp qana qoımaı, qosymsha ınstıtýsıonaldyq turǵydan nyǵaıtylady. Mindetti áleýmettik medısınalyq saqtandyrý júıesiniń róli arta túspek. Kezeń-kezeńimen engiziletin biryńǵaı bazalyq medısınalyq paket arqyly azamattar josparly ári kúrdeli medısınalyq qyzmetterdiń basym bóligine osy saqtandyrý esebinen qol jetkize alady», dedi Aıda Balaeva.

Bektenov: Júrgizilip jatqan aýqymdy ózgerister Qazaqstannyń kez kelgen syn-qaterlerge tótep berýin qamtamasyz etedi