Álem ekonomıkasy 219 trln dollardan asty: Azııa kósh bastap tur

20 ret

kórsetildi

3 mın

oqý úshin

2026 jyly álemdik ekonomıka kólemi 219 dollar trln-nan asady. Bul kórsetkish satyp alý qabiletiniń parıteti (PPP) negizinde eseptelgen. Sarapshylardyń aıtýynsha, dál osy tásil elderdiń naqty ekonomıkalyq qýatyn salystyrýǵa múmkindik beredi. Jahandyq ekonomıkanyń shamamen 49%-y Azııaǵa tıesili, bul qurlyqtyń halyqaralyq saýda men óndiristegi rólin aıqyndaı túsedi, dep habarlaıdy Egemen.kz.

Shyńǵys MUQAEV

Álem ekonomıkasy 219 trln dollardan asty: Azııa kósh bastap tur

Foto: Ashyq derekóz

PPP – elder arasyndaǵy ómir súrý qunynyń aıyrmashylyǵyn eskerip, ekonomıkalyq kórsetkishterdi túzetetin ádis. Sondyqtan nomınaldy IJО́-men salystyrǵanda, bul tásil boıynsha elderdiń reıtıngi aıtarlyqtaı ózgeredi.

Halyqaralyq valıýta qorynyń boljamyna sáıkes, 2026 jyly álemdegi eń iri ekonomıka – Qytaı. Onyń IJО́-niń kólemi 43,5 trln dollarǵa jetedi. Al AQSh ekonomıkasy 31,8 trln dollar deńgeıinde qalyp, ekinshi orynda tur. Úshinshi oryndy 19,1 trln dollar kórsetkishpen Úndistan ıelenedi.

Alǵashqy ondyqqa sondaı-aq Reseı, Japonııa, Germanııa, Indonezııa, Brazılııa, Fransııa jáne Ulybrıtanııa kiredi. Reseı ekonomıkasy 7,3 trln dollarǵa jetip, álemde tórtinshi orynǵa kóteriledi.

Azııa elderiniń basymdyǵy aıqyn baıqalady. Qytaı, Úndistan, Japonııa, Indonezııa jáne Ońtústik Koreıa sııaqty memleketter arzan ómir súrý qunynyń arqasynda PPP kórsetkishi boıynsha aıtarlyqtaı joǵary nátıjege ıe. Bul elderde taýar óndirý men qyzmet kórsetý shyǵyndary tómen bolǵandyqtan, olardyń ekonomıkalyq áleýeti kúsheıe túsedi.

Álemdik ekonomıkanyń jańa kartasy: Qazaqstan qaı orynda?

Sonymen qatar Azııa halqynyń sany 4,7 mlrd adamǵa jetip, álemdegi eń iri naryqqa aınalyp otyr. Sarapshylar Vetnam men Taıland sekildi damýshy ekonomıkalar aldaǵy jyldary da qarqyndy ósim kórsetedi dep boljaıdy. Bul úrdis Azııanyń jahandyq ekonomıkadaǵy ústemdigin odan ári nyǵaıta túsedi.

Eýropada jaǵdaı ózgeshe. Nomınaldy kórsetkish boıynsha Germanııa kósh bastap tursa, PPP esebinde Reseı alǵa shyǵyp, qurlyqtaǵy eń iri ekonomıkaǵa aınalady. Fransııa da Ulybrıtanııany basyp ozady. Degenmen, jalpy alǵanda, Eýropa elderi Azııadaǵy básekelesterinen qalyp keledi. Sebebi óndiris pen qyzmet kórsetý quny bul óńirde joǵary.

Amerıka qurlyǵynda da ózgerister bar. Brazılııa (5,2 trln dollar) men Meksıka (3,6 trln dollar) Kanadadan ozyp, aımaqtaǵy iri ekonomıkalar qataryna kiredi. Al Afrıkada álemdik IJО́-niń nebári 6%-y ǵana shoǵyrlanǵan. Bul óńirde Egıpet, Nıgerııa jáne Ońtústik Afrıka elderi negizgi ekonomıkalyq kúsh sanalady.

Jalpy alǵanda, PPP kórsetkishi jahandyq ekonomıkanyń jańa qurylymyn aıqyn kórsetedi. Damýshy elder men Azııa memleketteri alǵa shyǵyp, álemdik ekonomıkalyq tepe-teńdik birtindep ózgerip keledi.