2026 jyldyń basynan bastap Astana qalasynda, Aqmola jáne Pavlodar oblystarynda avtomektepter qyzmetin uıymdastyrý jáne júrgizýshi kýálikterin rásimdeý barysynda zańsyz syıaqy alý derekteri anyqtalǵan. Tergeý málimetine qaraǵanda, Astana qalasyndaǵy Mamandandyrylǵan halyqqa qyzmet kórsetý ortalyǵy basshysynyń burynǵy orynbasary júıeli túrde para alyp, azamattarǵa emtıhan tapsyrýǵa jáne júrgizýshi kýáligin alýǵa kómektesken.
Eldegi aqyly joldarda tólem merzimderi ózgerdi: Júrgizýshiler neni eskerýi kerek?
Jalpy somasy 100 mıllıon teńgeden asatyn 60-tan astam zańbuzýshylyq faktisi prosestik turǵyda qujattalǵan.
Sonymen qatar Kókshetaý qalasyndaǵy Mamandandyrylǵan HQKO men Ekibastuz qalasyndaǵy «Azamattarǵa arnalǵan úkimet» memlekettik korporasııasy fılıaldary basshylarynyń zańsyz áreketteri toqtatyldy. Olar jalǵan tulǵalar arqyly emtıhan tapsyrýdy uıymdastyryp, sol úshin aqsha alǵany anyqtalǵan.
Budan bólek, Astana, Shymkent jáne Taraz qalalaryndaǵy «Azamattarǵa arnalǵan úkimet» memlekettik korporasııasy fılıaldarynda jyljymaıtyn múlikti qaıta tirkeý jáne aýyrtpalyqtardy alyp tastaý kezinde ókilettigin teris paıdalanǵan laýazymdy tulǵalardyń zańsyz baıý faktileri áshkerelendi.
Atalǵan derekter boıynsha sotqa deıingi tergep-tekserý júrgizilip jatyr. Qylmystyq-prosestik kodekstiń 201-babyna sáıkes ózge málimetter jarııa etilmeıdi.
