Foto: Aqorda
«Osy mindetti iske asyrý úshin tıisti tujyrymdama qabyldandy. Bul konsepsııaǵa sáıkes myqty ǵylymı-tehnologııalyq parkter qurý josparlanyp otyr. Meniń tapsyrmam boıynsha Kýrchatov qalasyna ǵylym qalashyǵy mártebesin berý jumysy bastalyp ketti. Parlament osyndaı qalashyqtardyń quqyqtyq mártebesin jáne qarjylandyrý tetikterin aıqyndaıtyn zań jobasyn qarap jatyr. Ǵylymdy arqaý etken aýmaqtar qurý – bizdiń strategııalyq basymdyqqa ıe maqsatymyz. Jańa Konstıtýsııada qarqyndy damıtyn qalalar úshin arnaıy quqyqtyq rejım bekitildi. Sondyqtan Alatau City joǵary tehnologııalar salasyndaǵy ınvestorlar úshin tartymdy jobaǵa aınalady dep senemiz. Jalpy, memleket óńirlerde ǵylym men ınnovasııany damytýǵa erekshe nazar aýdaryp otyr. Soǵan sáıkes ákimderge ǵylymı-tehnologııalyq saıasatty júrgizý quzyreti berildi», dedi Qasym-Jomart Toqaev.
Prezıdent: Sıfrlandyrý men jasandy ıntellektiniń damýyna basa mán berýimiz kerek
Memleket basshysy sózin qorytyndylaı kele, elimizdiń ǵylymı-akademııalyq qoǵamdastyǵyna úndeý jasady.
«Qazaqstannyń erteńi qandaı bolatyny, ınnovasııalyq jáne ozyq elge aınalý múmkindigi sizderdiń ıdeıalaryńyzǵa, zertteýlerińizge, jasaǵan eńbekterińiz ben ashqan ǵylymı jańalyqtaryńyzǵa tikeleı baılanysty. Kúsh-jiger biriktirip, Qazaqstandy Eýrazııadaǵy jetekshi ǵylymı, tehnologııalyq ortalyqtardyń birine aınaldyra alamyz. Men buǵan senimdimin», dedi Prezıdent.
Qasym-Jomart Toqaev ǵalymdar jańa Konstıtýsııanyń mán-mazmunyn jurtshylyqqa tereń túsindirýge aıtarlyqtaı úles qosqanyna nazar aýdaryp, ǵylym eldikti nyǵaıtýdyń mańyzdy quraly ekenin aıtty.
Memleket basshysy: Ǵylymdy qarjylandyrý isine qatań tártip kerek
Prezıdent eldiń áleýmettik-ekonomıkalyq damýyna qosqan eleýli úlesi úshin bir top azamatqa memlekettik nagradalar tabystady.
