Kenishke ıelik etetin kompanııanyń málimetinshe, 19 naýryzda tańerteń Orlov shahtasynyń dıspetcherine aqparat tústi.
Gazdan ýlaný belgileri bar eki jumysshy anyqtalǵan. Zardap shekkenderdiń biri aýrýhanaǵa bara jatqan jolda qaıtys boldy. Ekinshi jumysshyǵa medısınalyq kómek kórsetildi, jaǵdaıy turaqty.
«KAZ Minerals toby Abaı oblysyndaǵy Orlov shahtasynda jazataıym oqıǵa bolǵanyn tereń ókinishpen habarlaıdy. Oqıǵanyń mán-jaıy men sebepteri anyqtalyp jatyr. KAZ Minerals tobynyń basqarma tóraǵasy Andreı Tretıakov jazataıym oqıǵany tergeýge jeke qatysý úshin Orlov shahtasyna bardy», dep habarlady kompanııanyń baspasóz qyzmeti.
Kompanııa qaza tapqan jumysshynyń otbasyna jan-jaqty kómek kórsetetinin habarlady.
