Prezıdenttiń aıtýynsha, adam kapıtalynyń sapasyn arttyrý úshin qoldan kelgenniń bárin jasaý qajet.
«Elimizdiń ǵylymı jáne akademııalyq qaýymdastyǵynyń barlyq ókiline qarata aıtqym keledi. Qazaqstannyń erteńi qandaı bolady, qanshalyqty jańashyl ári ozyq elge aınala alamyz? Bul sizderdiń ıdeıalaryńyzǵa, zertteýlerińizge, jumystaryńyzdyń nátıjesine, ashqan jańalyqtaryńyzǵa tikeleı baılanysty. Barshamyz kúsh jumyldyra otyryp, Qazaqstandy Eýrazııadaǵy jetekshi ǵylymı jáne tehnologııalyq ortalyqqa aınaldyra alatynymyzǵa senemin», dedi Memleket basshysy.
Sonymen qatar Qasym-Jomart Toqaev qol jetkizgen nátıjege toqmeıilsip, kórsetkishtermen maqtanbaýymyz kerek. Kerisinshe, jańa maqsattarǵa jetý úshin tynymsyz eńbek etýimiz qajet.
«Álemdik báseke kúsheıgen kezeńde biz árdaıym jeńimpaz bolýymyz kerek. Qazaq halqy qandaı jaǵdaı bolsa da, órkenıet kóshinen qalmaýǵa tıis. Tarıhymyzda qıly qasiretti bastan ótkerdik. Osy baq-qýatty ómirge jetý úshin talaı zobalańdy kórdik. О́rkenıet bizge ózdiginen kelmeıdi. Ony ózderińiz de túsinetin shyǵarsyzdar. Oǵan qol jetkizý úshin qoǵam judyryqtaı jumylyp, kúsh biriktirýi qajet. Ǵalymdar, tehnologtar, kásipkerler, bilimdi azamattar, tipti, stýdentter de ortaq iske atsalysqany jón», dedi Prezıdent.
Aıta keteıik, Prezıdent ǵylymı qaýym aldynda sóılegen sózinde búginde túrli memleketter arasynda tehnologııasy ozyq el bolý úshin qarqyndy kúres júrip jatqanyn atap ótti.
