«Digital Nauryz» bastamasynyń taǵy bir ereksheligi – ulttyq qundylyqtardy jahandyq aýdıtorııaǵa tanytý múmkindigi. Sheteldegi qandastar men ózge ult ókilderi de qazaqtyń salt-dástúrimen onlaın tanysyp, merekelik is-sharalarǵa qatysa alady. Osylaısha, sıfrlyq sheshimder arqyly Naýryzdyń mazmuny tereńdep, aýqymy keńeıe tústi. Bul – tehnologııalyq jańashyldyq qana emes, ulttyq mádenıetti jańa deńgeıge kóterýdiń bir joly.
«Digital Nauryz» platformasy memlekettik «GOV.KZ» portaly negizinde iske qosylyp, merekeniń is-sharasyn bir jerge shoǵyrlandyrdy. Iаǵnı elimizdiń ár óńirindegi konsert, kórme, kezdesýler men forýmdar bir sıfrlyq keńistikte usynylyp, tikeleı efırde kórsetiledi. Bul – Naýryzdy alǵash ret tolyqqandy onlaın formatta tamashalaýǵa múmkindik bergen joba.
Platformanyń basty artyqshylyǵy – óńirlik qamtý. Saıtta elimizdiń barlyq oblysy boıynsha jeke bólimder qarastyrylǵan. Sonyń arqasynda paıdalanýshy ózi qalaǵan qaladaǵy is-sharalardy kórip, ýaqytyn josparlaı alady. Sonymen qatar jańalyqtar, anons-tar men beınetranslıasııalar bir júıege biriktirilgen. Jasandy ıntellekt negizindegi avtomatty aýdarma fýnksııasy da engizilip, kontentti keń aýdıtorııaǵa qoljetimdi etti.
«Digital Nauryz» tek onlaın platforma deńgeıinde qalyp qoıǵan joq. Ol el aýmaǵyndaǵy IT-habtardy qamtyǵan úlken tehnologııalyq qozǵalysqa aınaldy. Hakatondar, ınteraktıv kórmeler men startap tanys-tyrýlar Naýryz merekesine jańasha mazmun berdi.
Máselen, Aqtaýda ótken kezdesýde qatysýshylar jasandy ıntellekt kómegimen mátin men vızýaldy kontent jasaýdy úırense, Atyraýda uıymdastyrylǵan «Digital Caspian»: «GenAI Cup» baıqaýynda óńirlik erekshelikterdi eskergen JI jobalar usynyldy. Bul – tehnologııanyń tek qural emes, shyǵarmashylyq ortaǵa aınalyp kele jatqanyn kórsetedi.
Pavlodar men Qyzylordada ótken «AI Bootcamp» baǵdarlamasy tájirıbelik baǵytqa basymdyq berdi. Qatysýshylar dızaın, vızýaldy storıtellıng jáne sıfrlyq ónim jasaýdy meńgerdi. Al Qaraǵandynyń Ortalyq saıabaǵynda drondar turǵyndarǵa baýyrsaq taratyp, kópshilikti tańǵaldyrdy. Sol sekildi Jezqazǵanda ótken vorkshop ulttyq mádenıetti neırojeliler arqyly jańasha beıneleý joldaryn qarastyrdy.
«Digital Nauryz» kásipkerlikke de tyń serpin berdi. Aqtóbedegi «Baursaq Pitch» alańynda startaptar óz jobalaryn usynyp, tehnologııa men ulttyq qundylyqtardy úılestirýdiń jańa úlgilerin kórsetti. Petropavlda mektep oqýshylary startap jobalaryn qorǵap, jas býynnyń ınnovasııaǵa qyzyǵýshylyǵy artyp kele jatqanyn dáleldedi.
Shyǵarmashylyq baǵyt ta nazardan tys qalǵan joq. Taldyqorǵanda robottehnıka men VR jobalary usynylǵan kórme uıymdastyrylsa, Shymkent pen Semeıde jasandy ıntellekt kómegimen 3D modelder jasaý jáne sıfrlyq óner boıynsha sheberlik sabaqtary ótti. Al Taraz ben Túrkistanda tehnologııa men dástúrdiń bolashaǵyna qatysty pikirtalas órbidi.
Bul bastamanyń aýqymdylyǵy onyń uıymdastyrý deńgeıinen de baıqalady. Barlyq is-shara «Astana Hub» ekojúıesine kiretin aımaqtyq IT-habtar bazasynda ótip jatyr. Búginde bul ortalyqtar tek bilim alańy ǵana emes, startaptar men ınnovasııalyq jobalardyń ósip-órkendeıtin ortasyna aınalyp otyr.
