Eldiń turmysyn túzep, tirligine tyń serpin bergen údemeli ındýstrııalyq-ınnovasııalyq damý baǵdarlamasynyń birinshi besjyldyǵy aıaqtaldy. Osy kezeńde Jambyl oblysynda 41 jobanyń 33-i iske qosyldy. Olardyń jalpy somasy 123,3 mlrd. teńgeni qurap, óńirimizdiń 5 myńǵa jýyq turǵynyn jańa jumys oryndarymen qamtamasyz etti.
– Jalpy, ınnovasııalyq jáne joǵary ónimdi jobalardy engizý arqyly biz áleýmettik máselelerdi sheshýge jáne óńirdiń ishki óńirlik óniminiń ulǵaıýyna mol múmkindik aldyq, – deıdi Jambyl oblystyq kásipkerlik jáne ındýstrııalyq-ınnovasııalyq damytý basqarmasynyń basshysy Almas Madıev. – Mysaly, «Super Pharm» JShS shıkizattan daıyn ónimge deıin óndiris sıklymen jumys isteýde. Al, «Qurylys-Polımer» JShS 20-ǵa jýyq ártúrli polımerden qurylys materıaldaryn óndirse, «Myńaral Tas kompanı» JShS fransýzdyq tehnologııa boıynsha, ıaǵnı sementti qurǵaq tásilmen alý óndirisin ıgerdi. Sondaı-aq, «Talas Investment Company» JShS Qazaqstannyń hımııa ónerkásibindegi natrıı sıanıdin óndiretin tuńǵysh hımııalyq zaýytty iske qosty.
Osynaý ıgi iske memlekettiń qoldaýy da óte zor. Atap aıtsaq, Indýstrııalandyrý kartasyna engen 41 jobanyń 20-sy, ıaǵnı, árbir ekinshi joba memleketten qarjylaı kómek alǵan. Olarǵa barlyǵy 21,8 mlrd. teńge kóleminde kómek kórsetildi. О́tken jyly jalpy quny 22,84 mlrd. tengeni quraıtyn 6 ınvestısııalyq joba iske asyrylyp, 994 jańa jumys orny ashylǵan bolatyn. «BınomStroıDetal» JShS quny 500,0 mln. teńgeni quraıtyn jobany qolǵa alyp, 65 jańa jumys ornyn ashty. Dál osylaısha «Talas Investment Company» JShS – 491, «Vista International» JShS – 13, «Araıstroımarket» JShS – 25, «Central Asia Gold Production» JShS – 150, «Myń-Aral Kompanııasy» JShS balyq óndeý zaýytynyń qurylysyn qolǵa alyp, 250 adamǵa jańa jumys oryndaryn taýyp berdi. Birinshi besjyldyqtyń aıaqtalýyna oraı Indýstrııalandyrý kartasynan barlyǵy 33 joba shyǵaryldy. Endi olardyń ornyn jańa jobalar baspaq. Iаǵnı, ekinshi besjyldyqta Jambyl oblysynda jalpy quny 578,9 mlrd. teńgeni quraıtyn 23 ınvestısııalyq joba júzege asyrylýda. Osynyń arqasynda 5,2 myń jańa jumys ornyn ashý josparlanyp otyr. Bıyldyń ózinde 9 ınvestısııalyq joba qolǵa alynýda. – Osy tusta jobalardyń qala – aýdandarynda iske asý statıstıkasyna toqtalǵym keledi, – deıdi Almas О́skenbaıuly. – Atap aıtsaq, ekinshi besjyldyqtyń Indýstrııalandyrý kartasyna Taraz qalasynan 7 joba, Qordaı aýdanynan 4 joba, Shý aýdanynan 3 joba, Jambyl, Talas aýdandarynan – 2 jobadan, Baızaq, Jýaly, T.Rysqulov, Sarysý jáne Moıynqum aýdandarynan 1 jobadan engen. Iаǵnı, bul baǵdarlama qalanyń da, dalanyń da tirligin jandandyryp, óńir ekonomıkasynyń damýyna úlken úles qosatyny sózsiz.
Oralhan DÁÝIT, «Egemen Qazaqstan».
Jambyl oblysy.
