Jalpy quny 70 mlrd teńge bolatyn joba 2026–2028 jyldary iske asyrylady. Ony iske qosý keminde 160 turaqty jumys ornyn qurýǵa, el ishinde aǵash óńdeýdi keńeıtýge, daıyn ónim óndirisin arttyrýǵa ári óńirdiń ónerkásiptik áleýetin kúsheıtýge múmkindik beredi. Zaýyttyń óndiristik qýaty jylyna shamamen 600 tekshe metr aǵash-jańqaly plıtalar (DSP) men 20 mln sharshy metr lamınattalǵan aǵash-jańqaly plıtalardy (LDSP) quraıdy.
Kelisim otandyq óndirýshilerdiń taýarlaryn, shıkizatyn, jumystary men qyzmetterin mindetti túrde paıdalanýdy kózdeıdi. Investor daıyn ónimniń keminde 50%-yn ishki naryqqa baǵyttaýǵa mindetteledi. Kásiporyn jobalyq qýattyń 80%-yna shyqqannan keıin otandyq daıyn ónim eksportynyń kólemi jylyna 60 myń tekshe metrge deıin jetedi.
О́ńirdi áleýmettik qoldaý mindettemeleri de bekitilgen. Sondaı-aq ınvestor jumyskerlerdi úzdiksiz oqytý júıesin engizýge, olardyń biliktiligin arttyrýdy qamtamasyz etýge mindetteledi.
Jobany iske asyrý aǵash óńdeý salasynyń damýyna, jergilikti mazmundy arttyrýǵa, jumyspen qamtýdy keńeıtýge, elimizdiń óńdeý ónerkásibiniń eksporttyq áleýetin nyǵaıtýǵa yqpal etedi.
