Foto: Ashyq derekkóz
Memlekettik kirister departamentiniń málimetinshe, zańnamaǵa sáıkes salyqty merziminde tólemegen azamattarǵa árbir keshiktirilgen kún úshin ósimpul esepteledi. Sonymen qatar bereshegi bar tulǵalarǵa qatysty májbúrlep óndirip alý sharalary qoldanylady. Olardyń qatarynda habarlama jiberý, salyq buıryǵyn shyǵarý jáne materıaldardy jeke sot oryndaýshylaryna joldaý bar.
Mańyzdy jaıt – 1 aılyq eseptik kórsetkishten asatyn bereshek mindetti túrde májbúrli túrde óndiriledi. Al salyq buıryǵyn oryndaý merzimi 30 jumys kúnin quraıdy. Bul talaptardy oryndamaý qosymsha qarjylyq júktemege jáne quqyqtyq saldarǵa alyp kelýi múmkin.
715 zańbuzýshylyq anyqtaldy: Almatyda avtokólikterge ekologııalyq baqylaý kúsheıdi
Qala turǵyndary ózderiniń salyq boıynsha bereshegin túrli sıfrlyq servıster arqyly ońaı teksere alady. Atap aıtqanda:
- Memlekettik kirister komıtetiniń resmı saıty – kgd.gov.kz;
- eGov.kz portaly;
- eSalyq Azamat mobıldi qosymshasy.
Sonymen birge elden shyǵýǵa shekteý bar-joǵyn aisoip.adilet.gov.kz saıty arqyly bilýge bolady. Bul azamattarǵa óz quqyqtyq jaǵdaıyn aldyn ala tekserip, qajetsiz qıyndyqtardyń aldyn alýǵa múmkindik beredi.
