Oralda kópir qurylysy bastalady

Keıingi jyldary qurylysy qar­qyn­dy júrip jatqan «Aq­jaıyq» sha­ǵyn aýdany Shaǵan ózeniniń syrtynda ornalasqan. Zachagan kentinde qazir 80 myńǵa jýyq halyq turady. Bolashaq damý jospary bo­ıynsha tek «Aqjaıyq» shaǵyn aýdanynyń ózinde 70 myńdaı turǵyn qonystanbaq. Shaǵan ózeninen ótetin eski kópirde qazirdiń ózinde tańerteń, keshke kólik keptelisi bolyp, turǵyndardyń ári-beri qatynaýyna kedergi kelip júrgen edi. Osyǵan baılanysty jańa kó­pir­diń qajettigi anyq baı­qal­ǵan.

«Aqjaıyq» shaǵyn aýdanyn­da bú­gin­de 3 myńnan astam tur­ǵyn bar. 450 gektar aýmaqqa or­na­lasqan bul shaǵyn aýdannyń damý jospary adam qyzyǵarlyq. Munda kezeń-kezeńimen 76 kóp­qa­batty turǵyn úı salynbaq. Áleýmettik ınfraqurylymǵa kel­sek, árqaısysy 1 500 oryn­dyq 3 mektep, árqaısysy 500 oryndyq 4 balabaqsha, bar­ly­ǵy 60 áleýmettik nysan boı kóteredi. Ázirshe júzege asqan jobalar qatarynda 1 044 páter­li 10 turǵyn úı men 150 oryn­dyq ońaltý ortalyǵy bar. Al qazir 416 páterlik eki turǵyn úıdiń qurylysy júrip jatyr. Infra­qurylym boıynsha 26 shaqy­rymdyq ishki joldar, 45 km trotýar men velojoldar salynǵan.

Oblys ortalyǵynda bas­talǵan aıtýly qurylystyń basyna Batys Qazaqstan ob­ly­synyń ákimi Narıman Tóreǵalıev, jo­banyń bas ınvestory, «BI Group» kom­pa­nııasynyń aksıoneri Baýyrjan Isabaev, merdiger kompanııa ókil­deri kelip, estelik kapsýla or­natty.

– Biz «Aqjaıyq» shaǵyn aýda­ny­nyń qu­ry­lysyn 2023 jyldan bastap qolǵa alǵan edik. Qazir osy aýdanda bolashaq 70 myń turǵynǵa arnalǵan barlyq ınfra­qurylym tar­tylyp boldy. Tabı­ǵı gaz, elektr jaryǵy, sý men káriz jú­ıe­si tolyq iske qosyldy. Tipti kóshe­degi sýaǵar aryq júıesin de ja­sa­dyq. Biz bul jerde turǵyn úılermen qatar áleýmettik nysandar da salamyz. Sonyń ishinde eń úlken nysandar – aýrýhana, perınataldyq ortalyq pen emhana. Sondaı-aq osy jerde 12 myń adamǵa arnalǵan úlken stadıon bolady. Al búgin qadasy qaǵylǵan jańa kópirge keletin bolsaq, onyń qurylysyn «BI Group» kompanııasy turǵyzady. Bıyl da­ıyndyq jumystary júrgiziledi, jobalyq-smetalyq qujattar jasalady. Bul jerde uzyndyǵy tórt shaqy­­rym­dyq tórt jolaqty kópir bolady. Quny 36 mlrd teńgege baǵalanǵan kópir qurylysy 2028 jyly aıaq­talady, – deıdi oblys ákimi Narıman Tóreǵalıev.

О́ńir basshysynyń aıtýynsha, bul – táýelsizdik jyldary Batys Qazaq­stan oblysynda bastan-aıaq jo­ba­­lanyp, salynǵaly otyrǵan tuń­ǵysh kópir bolmaq. Ishki kvar­taldyq joldar men kópir ótke­lin salý qurylysy jobasyna qa­raǵanda jańadan salynatyn 4 jo­laqty, 4 shaqyrymdyq jol men kópirdi salyp bitirý úshin 36 aı ketpek.

Batys Qazaqstan oblysy