Sýret: basnews.kz
Konferensııa Qyzylorda oblysy ákimdiginiń, TÚRKSOI halyqaralyq uıymynyń qoldaýymen, sondaı-aq Qazaqstan Respýblıkasynyń Ulttyq mýzeıi men Qyzylorda oblystyq tarıhı-ólketaný mýzeıiniń qatysýymen Túrik jáne ıslam óneri mýzeıinde uıymdastyryldy. Konferensııa jumysyna qazaqstandyq jáne túrkııalyq ǵalymdar, sarapshylar men mádenıet qaýymdastyǵynyń ókilderi qatysty.
Konferensııada sóz sóılegen senator ortaq tarıhı muranyń mańyzdylyǵyn atap ótip, túrki áleminiń qalyptasýyndaǵy oǵyz órkenıetiniń erekshe róline toqtaldy.
«Túrki halyqtaryn ortaq tarıhı tamyrlar, til, mádenıet jáne rýhanı qundylyqtar biriktiredi. Oǵyz murasynyń orny bólek, óıtkeni qazirgi Qazaqstan aýmaǵynan bastalǵan úderister Anadolydaǵy memlekettiliktiń qalyptasýyna tikeleı áser etti. Búginde Qazaqstan men Túrkııa tarıhı birlikke súıene otyryp, strategııalyq seriktestikti nyǵaıtyp, turaqty is-qımyldyń úlgisin kórsetip otyr», dep atap ótti Rýslan Rústemov.
Senator sondaı-aq mundaı is-sharalardy ótkizý túrki áleminiń rýhanı birligin nyǵaıtýǵa jáne ortaq tarıhı-mádenı murany saqtaýǵa septigin tıgizetinin jetkizdi. Onyń aıtýynsha, oǵyz taqyryby ǵylymı zertteýler men gýmanıtarlyq yntymaqtastyqtyń mańyzdy baǵyty bolyp qala beredi.
Arheologııalyq zertteýlerge, sonyń ishinde Jankent qalashyǵyn zertteýge, sondaı-aq mýzeı ınfraqurylymyn damytý jáne tarıhı-mádenı mura nysandaryn halyqaralyq deńgeıde ilgeriletý jobalaryn iske asyrýǵa erekshe nazar aýdaryldy.
Qorytyndylaı kele, qatysýshylar elder arasyndaǵy ǵylymı dıalogti damytý jáne mádenı baılanystardy nyǵaıtý úshin mundaı alańdardyń mańyzdylyǵyn atap ótti.
