Aýqymdy mádenı joba túrki órkenıetiniń tarıhı tamyryna tereń boılatyp, Uly dala men Anadoly arasyndaǵy myńjyldyq rýhanı jáne mádenı sabaqtastyqty aıshyqtaýǵa baǵyttaldy.
Kórmede Uly dala keńistiginen bastaý alyp, tarıhy Anadoly jerinde jalǵasqan oǵyzdardyń rýhanı-materıaldyq mádenıeti usynyldy. Syrdarııa oǵyzdarynyń tarıhı-mádenı murasy, onyń ishinde bizdiń zamanymyzdyń VII–HI ǵasyrlarynda ómir súrgen ortaǵasyrlyq dańqty Jankent, Jent, Sortóbe qalashyqtarynan tabylǵan biregeı arheologııalyq jáne etnografııalyq jádigerler, sonymen qatar qazirgi tańda qaıta jańǵyrǵan Syr óńiriniń bas qalasy – Qyzylordanyń zamanaýı jáne tarıhı týrıstik nysandary týraly aqparattar qoıyldy. Ashylý rásimine Túrkııa Respýblıkasynyń Mádenıet jáne týrızm mınıstrligi men TÚRKSOI Halyqaralyq uıymy ókilderi, Qazaqstan Respýblıkasy Ulttyq mýzeıi, Qyzylorda oblysynyń mádenıet, arhıvter jáne qujattama basqarmasynyń basshylary, otandyq jáne túrkııalyq tarıhshy ǵalymdar, BAQ ókilderi men mýzeı qyzmetkerleri qatysty.
Aıta keteıik, atalǵan kórme túrki murasynyń álemdik tarıhtaǵy rólin jańa qyrynan tanystyryp, halyqaralyq deńgeıde nasıhattaý, ǵylymı yntymaqtastyqty nyǵaıtý, baýyrlas halyqtar arasyndaǵy mádenı dıalogti damytý maqsatyn kózdeıdi.
Is-shara aıasynda halyqaralyq ǵylymı konferensııa uıymdastyrylyp, Oǵyz murasyn zertteýdegi ózekti máseleler talqylandy.
