Foto: Ulttyq ulan
Qazirgi tańda júıe Ulttyq ulannyń 5573 áskerı bóliminde engizilip jatyr. Ol qoldanystaǵy beınekameralarǵa qosylyp, beıneaǵyndy táýlik boıy úzdiksiz taldaıdy. Iаǵnı, kameralar tek jazyp qana qoımaı, jasandy ıntellekt arqyly naqty ýaqyt rejıminde taldaý jasaıdy.
Júıeniń basty ereksheligi – sarbazdardyń júris-turysyn, minez-qulqyn jáne emosııalyq jaǵdaıyn saralaý múmkindigi. Bul tek baqylaý quraly emes, sonymen qatar aldyn alý sıpatyndaǵy ıntellektýaldy sheshim.
Astanada 13 elden kelgen stýdent JI tehnologııalardyń zań júıesine áserin zerttedi
Jasandy ıntellekt sarbazdardyń minez-qulqyndaǵy aýytqýlardy anyqtap, erekshe nazar aýdarýdy qajet etetin jaǵdaılardy avtomatty túrde belgileıdi.
«Eger sarbazdardyń áreketinen agressııa baıqalsa, jasandy ıntellektke negizdelgen júıe bólim komandırlerine, tárbıeshiler men psıhologtarǵa messendjer arqyly sıgnal jiberedi. Bul der kezinde áreket etýge múmkindik beredi», dedi Ulttyq ulannyń resmı ókili Álibek Abdılov.
Osylaısha, júıe yqtımal táýekelderdi erte kezeńde anyqtap, jedel aralasýǵa múmkindik beredi.
Jınaqtalǵan beınematerıaldar arnaıy sıfrlyq platformada saqtalady. Bul oqıǵalardy keıin taldaýǵa, jaǵdaıdy zertteýge jáne júıeniń tıimdiligin baǵalaýǵa múmkindik beredi.
Qazaqstannyń 150-den astam uıymnyń top-menedjerleri JI boıynsha bilim alady
Eger jasandy ıntellekt júıesi óz tıimdiligin dáleldese, ony basqa áskerı bólimderge de engizý josparlanyp otyr. Bul – Ulttyq ulandaǵy sıfrlyq transformasııanyń mańyzdy kezeńderiniń biri.
Jańa tehnologııalar áskerı qyzmettegi qaýipsizdikti kúsheıtip qana qoımaı, qyzmet sapasyn arttyrýǵa jáne aldyn alý sharalaryn jetildirýge jol ashady.
Oljas Bektenov «Semeı ormanynda» JI negizindegi órtti erte anyqtaý júıesin tekserdi
