Foto: Qorǵanys mınıstrligi
Jańa baǵdarlama barlaý jáne topogeodezııa baǵyty boıynsha júrgiziledi. Bolashaq ofıserler drondardy basqarýmen qatar derekterdi taldaý, jergilikti jerdi baǵdarlaý, sheshim qabyldaý jáne komandalyq quramda úılesimdi áreket etýdi meńgeredi. Olardyń ishinde 15 stýdent operator, al 20 stýdent eseptop komandıri retinde daıyndalyp jatyr.
Oqytýdyń bastapqy kezeńi arnaıy jabdyqtalǵan synyptarda ótedi. Munda kásibı basqarý pýltteri bar avtomattandyrylǵan jumys oryndary qarastyrylǵan. Kýrsanttar alǵashqyda trenajerlerde daıyndalyp, tek normatıvterdi tapsyrǵannan keıin ǵana naqty ushýlarǵa jiberiledi.
Tájirıbelik sabaqtar ishki polıgonda jáne kúrdeli jaǵdaılarda ótedi. Bolashaq operatorlar áýe barlaýyn júrgizý, nysandardy anyqtaý, derekterdi naqty ýaqytta jetkizý jáne ınternetsiz avtonomdy baılanys arnalarymen jumys isteý daǵdylaryn meńgeredi.
Atyraýda masalarǵa qarsy kúreske drondar tartylady: Bıýdjetten 200 mln teńge bólindi
Daıyndyqtyń sońǵy kezeńinde stýdentter atys júıelerimen ıntegrasııalanǵan jumys isteýdi úırenedi. Olar nysannyń naqty koordınattaryn anyqtap, oq atýdy retteý jáne tapsyrmalardy joǵary dáldikpen oryndaý mashyǵyn qalyptastyrady.
«Mamandardy daıarlaý teorııalyq bilimdi, praktıkalyq daǵdylardy jáne stýdentterdiń motıvasııasyn eskere otyryp júrgiziledi. Komandalyq jumys pen joǵary tehnologııalyq tehnıkany basqarýǵa degen kásibı qyzyǵýshylyqqa jiti kóńil bólinedi. Bolashaq ofıserler ushqyshsyz basqarylatyn qurylǵylardy basqarý jarystarynda tabysty óner kórsetip júr. Sonyń ishinde AITU KazRoboDrone saıysyndaǵy nátıjeni aıtýǵa bolady. О́tken jyly ýnıversıtet komandasy respýblıkalyq deńgeıde birinshi oryn, al halyqaralyq arenada tórtinshi oryn ıelendi», dedi «Arnaıy áskerlerdi urysta qoldaný» sıklynyń basshysy zapastaǵy podpolkovnık Marat Istemesov.
Daıyndyq tolyqtaı tájirıbege negizdelgen. Kýrsanttar vırtýaldy trenajerlerden bastap kúrdeli taktıkalyq tapsyrmalardy oryndaýǵa deıingi kezeńderden ótedi. Oqý barysynda zamanaýı barlaý drondary men FPV-drondar qoldanylady.
Stýdentter tehnıka qurylymyn meńgerip, apparattardy jınaý jáne baǵdarlamalaý daǵdylaryn ıgeredi, sondaı-aq shekteýli baılanys pen radıoelektrondyq kedergiler jaǵdaıynda áreket etýge úırenedi.
