Sýret: sputnik.kz
Marapattarǵa memlekettik organdar men uıymdar qyzmetkerleri, áýe kompanııalary men áýejaılar mamandary, ushý ekıpajdarynyń músheleri, jerústi qyzmetteriniń mamandary jáne salanyń basqa da ókilderi usynyldy.
Memlekettik nagradalardy Memleket basshysynyń atynan Premer-mınıstrdiń birinshi orynbasary Roman Sklıar tabys etti.
«Barlyq jumystyń naqty ári úılesimdi uıymdastyrylǵanyn atap ótkim keledi. Bul laıyqty ordender, medaldar jáne Prezıdenttiń alǵysy sizderge aldaǵy kásibı ósýge, bar daǵdylardy jetildirýge, jańa bilim men qabiletterdi meńgerýge qosymsha serpin beredi dep senemin. Bul sizderge aldaǵy ýaqytta da Otanymyzdyń órkendeýi jolynda jemisti eńbek etýge jigerlendiredi», dedi R.Sklıar.
Bıylǵy aqpan aıynda Taıaý Shyǵys óńirinde áýe keńistiginiń jabylýyna baılanysty Memleket basshysynyń tapsyrmasyna sáıkes otandastarymyzdy elge qaıtarý bo-ıynsha aýqymdy jumys jedel uıymdastyryldy. Qurylǵan vedomstvoaralyq toptyń quramyndaǵy memlekettik organdar men uıymdar ókilderi tıisti jumysty qamtamasyz etti.
3–13 naýryz aralyǵynda 66 reıs oryndalyp, 10,2 myń azamat elge jetkizildi. Tasymaldaýdy «Air Astana», «SCAT», «FlyDubai», «Air Arabia» áýe kompanııalary Dýbaı, Shardja, Djıdda, Medına men Maskattan Almaty, Astana, Atyraý, Aqtaý, Shymkent baǵyttary boıynsha júzege asyrdy.
