Sheber dál osy úlgide úsh dombyra jasap, onyń birin О́zbekáli Jánibekovke, ekinshisin sazger Tóken Eltebaevqa bergen. Úshinshisi mýzeı qorynda saqtaýly.
Qobyzǵa uqsaıtyn dombyra murajaıǵa 1975 jyly 30 naýryzda tapsyrylypty.
«Shanaǵy segizdik formada jasalǵan bul dombyra bir qaraǵanda qobyzǵa uqsaıdy. Tókeı aǵamyz – dombyramen qatar qobyz jasaǵan kisi. Arqalyqtan ulttyq aspaptar sehyn ashamyn dep júrip ómirden ótken. Jalpy, bizde turǵan dombyranyń shanaǵy aǵashtan bútindeı shabylyp jasalǵan. Aspaptyń dóńgelenip kelgen artqy jaǵy Arqanyń qalaq dombyralary tárizdi tegis shabylǵan. Al onyń úsh buryshqa uqsaıtyn joǵary jaǵy qyrly bolyp keledi. Negizi, eksperıment túrinde jasalǵan aspap bolsa kerek. Mysaly, Arqada qalaq dombyra, keń saǵaqty, qýys moıyn dombyralar eki-úsh úlgiden kezdesedi. Al bul dombyranyń basqa túrin kezdestirmedim. Sondyqtan sheber muny tájirıbe úshin jasap kórgen bolýy kerek dep oılaımyn. Biraq dombyra qańsyp turyp qalǵany bolmasa, sóılep tur», deıdi mýzeı dırektorynyń orynbasary Batyrlan Saǵyntaev.
Qostanaı oblysy
