- Alǵashynda úndistandyq Vaıshalı Rameshbabýmen kezdesse, odan keıin reseılik Aleksandra Gorıachkınamen sheberlik baıqasty. Qazirgi kezde B.Asaýbaeva jarys kestesinde Gorıachkınamen birge altynshy, jetinshi oryndardy ózara bólisip tur. Bıbisaranyń kelesi qarsylasy – qytaılyq Chjý Szıner.
- Keshe Horvatııanyń Osıek qalasynda sporttyq gımnastıkadan Álem kýbogi bastaldy. Jarysta elimizdiń namysyn Mılad Karımı, Narıman Qurbanov, Zeınolla Ydyrysov, Ilııas Ázizov syndy sheberler qorǵaıdy.
- 12–18 sáýir aralyǵynda Ispanııanyń Pýchserda qalasynda shaıbaly hokkeıden áıelder arasyndaǵy álem chempıonatynyń (IV dıvızıony) jalaýy jelbireıdi. Pıreneı túbeginde bizdiń komanda mynadaı quramda óner kórsetedi: qaqpashylar – Veronıka Ageeva, Polına Govtva («Torpedo»), Arına Shekolova («Tomırıs»); qorǵaýshylar – Iýlııa Býtorına, Aleksandra Voronova, Darııa Moldabaı («Tomırıs»), Katrın Meskını, Polına Iаkovleva («Torpedo»), Aıda Oljabaeva, Madına Tursynova, Anna Pıatkova («Aısulý»); shabýylshylar – Malıka Aldabergenova, Pernesh Áshimova, Elızaveta Dıýndına, Larısa Svırıdova («Aısulý»), Sofııa Zýbkova, Dilnaz Saıahatqyzy, Mýnıra Saıahatqyzy («Torpedo»), Ekaterına Kýsenko, Anastasııa Orazbaeva, Nadejda Fılımonova, Aleksandra Shegaı («Tomırıs»), Sofııa Mýraveva («Aısulý»). Dodada jerlesterimiz Latvııa, Nıderland, Ońtústik Koreıa, Ulybrıtanııa, Ispanııa quramalaryna qarsy oınaıdy.
- 18 jasar shahmatshy Alýa Nurman Germanııanyń Karlsrýe qalasynda uıymdastyrylǵan «Grenke Chess Freestyle Open 2026» týrnıriniń kúmis júldegeri atandy. Segiz oıynnan keıin alty upaı jıǵan ol Úndi eliniń ókili Harıka Dronavallıden ǵana qalyp qoıdy. Qola medaldy germanııalyq Dınara Vagner ıelendi. Úsh júldeger keler jyldyń basynda frıstaıl-shahmattan (Fısher shahmatynan) ótetin álem chempıonatyna joldamaǵa qol jetkizdi.
- Tanymal kásipqoı boksshy Batyr Júkembaev (24-1, 17 KO) óziniń kelesi jekpe-jegin 6 maýsymda Tashkentte jergilikti nokaýter Shohjahona Ergashevke (26-2, 23 KO) qarsy ótkizedi. О́ziniń sońǵy básekesin qandasymyz osydan bir jyl buryn Astanada ulybrıtanııalyq Keın Gardnerge (18-5, 7 KO) qarsy ótkizip, ony upaı sanymen utty.
