Foto: ratel.kz
Sınoptıkterdiń túsindirýinshe, qolaısyz meteojaǵdaılar – álsiz jel, tuman jáne temperatýralyq ınversııa sııaqty qysqa merzimdi faktorlardyń jıyntyǵy. Bul qubylystar zııandy zattardyń atmosferanyń tómengi qabatynda jınalýyna ákeledi.
Nátıjesinde eldi mekenderde aýa sapasy nasharlap, bul turǵyndardyń densaýlyǵyna keri áser etýi múmkin.
Mamandardyń aıtýynsha, aýadaǵy lastaný deńgeıine jeldiń baǵyty men jyldamdyǵy, jaýyn-shashyn, ylǵaldylyq pen aýa temperatýrasy sekildi sınoptıkalyq jaǵdaılar tikeleı yqpal etedi.
Magnıttik daýyl kezinde adam aǵzasynda qandaı ózgeris bolady?
Osyǵan baılanysty turǵyndarǵa mynadaı saqtyq sharalaryn saqtaý usynylady:
− ashyq aýada, ásirese kólik joldary men lastaný kózderine jaqyn jerlerde uzaq ýaqyt bolmaý;
− balalar men júkti áıelderge serýendeýdi shekteý;
− tynys alý, júrek-qan tamyrlary nemese allergııalyq aýrýlary bar adamdar ózimen birge qajetti dári-dármekterin alyp júrýi tıis;
− ashyq aýada dene júktemesin azaıtyp, sportpen jabyq ǵımarattarda aınalysý qajet.
Aıta keteıik, buǵan deıin Qazaqstannyń 16 óńiri men úsh megapolısinde daýyldy eskertý jarııalanǵan edi.
