Reseı Qorǵanys mınıstri Andreı Beloýsov pen Bas shtab bastyǵy Valerıı Gerasımovqa osy ýaqyt aralyǵynda áskerı qımyldardy toqtatý jóninde tapsyrma berildi.
Kreml habarlamasynda Reseı tarapy Ýkraına da osy bastamany qoldaıdy degen úmit bildirgen.
Reseı munaıynyń Qazaqstan arqyly tranzıti 2027 jylǵa deıin jalǵasady
Aıta keteıik, 2025 jyly da Pasha qarsańynda úsh kúndik atysty toqtatý rejımi jarııalanǵan bolatyn (19-21 sáýir aralyǵy). Ol kezde Reseı basshysy Vladımır Pýtın taraptar kelisimdi buzýy múmkin jaǵdaılarǵa daıyn bolý qajettigin atap ótken edi. Onyń aıtýynsha, buǵan deıin Ýkraına energetıkalyq ınfraqurylymǵa soqqy jasamaý jónindegi kelisimdi 100-den astam ret buzǵan.
Sol jyly Reseı Qorǵanys mınıstrligi Ýkraına qarýly kúshteri atysty toqtatý rejımin birneshe ret buzǵanyn habarlaǵan. Vedomstvo derekterine sáıkes, ýkraın tarapynan Reseı áskerı pozısııalaryna mınomet pen artıllerııadan 444 ret oq atylyp, 900-ge jýyq dron soqqysy jasalǵan. Sondaı-aq Brıansk, Kýrsk jáne Belgorod oblystarynyń shekaralas aımaqtary da atqylaýǵa ushyraǵany aıtylǵan.
Reseı bıligi iri kompanııalardan VPN qoldanýshylaryn shekteýdi talap etti
Buǵan deıingi Pasha qarsańynda taraptar tutqyndarmen almasqan. Reseıge 246 áskerı qyzmetker qaıtarylyp, Ýkraına da dál osynsha sarbazyn alǵan edi.
