Kongo-Qyrym qyzbasy: Qaýipti vırýstan qalaı qorǵanýǵa bolady?

20 ret

kórsetildi

1 mın

oqý úshin

Kún raıy jylynǵaly Kongo-Qyrym gemorragııalyq qyzbasynyń (KQGQ) tabıǵı oshaǵy sanalatyn elimizdiń ońtústik óńirlerinde qaýip kúsheıe túsedi. Densaýlyq saqtaý mınıstrligi saldary aýyr dert, kóbine keneniń shaǵýy arqyly nemese ony juqtyrǵan janýarlarǵa janasý arqyly juǵatynyn málimdedi, dep jazady Egemen.kz.

Dana MYRZAQADIR

Kongo-Qyrym qyzbasy: Qaýipti vırýstan qalaı qorǵanýǵa bolady?

Foto: gov.kz

Kongo-Qyrym gemorragııalyq qyzbasyna qarsy áli kúnge deıin vaksına joq. Aýrýdy juqtyrǵan adamnyń temperatýrasy 39-40 gradýsqa deıin kóterilip, bulshyqet jáne basy aýyrady. Mamandar osy belgilerden keıin qan ketýin qaýipti jaǵdaı ekenin túsindirip otyr.

Kongo-Qyrym qyzbasy: 46 eldi meken tabıǵı oshaqta ornalasqan

Atalǵan aýrýdan tek profılaktıka arqyly qorǵanýǵa bolady. Ásirese qaýip aımaǵynda jıi bolatyn aýyl turǵyndary, janýarlarmen baılanysta bolatyn adamdar, medısına qyzmetkerleri men endemııalyq aýdandardaǵy turǵyndar saqtyq sharasyna jiti qaraýy tıis. Al tabıǵatqa shyqqan azamattar ústi-basyn jıi tekserýi kerek.

Sondaı-aq janýarlardyń janyna arnaıy qorǵanys kıiminde barý mindetti. Mal men úı-jaılardy arnaıy qurylǵylarmen óńdeý de qaýipti seıiltedi. Kene shaqqanda jándikti óz betinshe alyp tastaýǵa bolmaıdy ári dereý dárigerge habarlasý qajet.