Sot materıaldaryna sáıkes, dekrettik demalysta bolǵan áıel bir jyl boıy óz áriptesterin ádeıi aldap kelgen. Ol otbasynda qaıǵyly jaǵdaılar bolǵanyn, atap aıtqanda anasynyń qaıtys bolǵanyn jáne balasynyń aýyr halde jatqanyn aıtyp, jalǵan aqparat taratqan.
Osylaısha, áriptesteriniń janashyrlyǵyn paıdalanyp, olardan qarjylaı kómek alǵan. Senip qalǵan áriptester bala emdeýge jáne otbasylyq máselelerdi sheshýge dep oılap, oǵan aqsha aýdaryp otyrǵan.
«7-20-25» ıpotekasy: Alaıaqtar kezekti jedeldetip beremin degen jeleýmen halyqty aldaýǵa kóshti
Nátıjesinde jábirlenýshilerge 2 mln teńgeden astam materıaldyq shyǵyn keltirilgen.
Sot úkiminde aıyptalýshynyń kinásin moıyndaýy, ókinish bildirýi jáne zalaldy ishinara óteýi jeńildetetin mán-jaı retinde eskerildi. Sonyń negizinde oǵan 3 jylǵa bas bostandyǵyn shekteý jazasy taǵaıyndalyp, probasııalyq baqylaý belgilendi.
Úkim zańdy kúshine endi.
Prokýratýra azamattarǵa qaıyrymdylyq nemese kómek jınaý jaǵdaılarynda saq bolýdy jáne aqparattyń shynaıylyǵyn mindetti túrde tekserýdi eskertedi.
