Is-shara oblystyq PD Ákimshilik polısııa basqarmasynda uıymdastyrylyp, uzaq jyl qyzmet etken tártip saqshylaryna alǵys aıtyldy. Olardyń qatarynda polısııa polkovnıkteri Asqar Djaılaýbaev pen Erlan Kezbaev ta bar.
Alaıda jıynda erekshe nazar áleýmettik jelilerde «qazaqtyń Monıka Bellýchchıi» degen laqap atpen tanylǵan Leıla Saıdovaǵa aýdy.
Astanalyq polıseıler beınekamera arqyly jol erejesin buzǵandardy anyqtady
Ol oblystyq PD Ákimshilik polısııa basqarmasy shtabynyń aǵa ınspektory qyzmetin atqarǵan. Ishki ister salasynda 18 jyl eńbek etken ofıser kásibıligimen jáne jaýapkershiligimen erekshelengen.
Leıla Saıdova buǵan deıin áleýmettik jelilerde kútpegen tanymaldyqqa ıe bolǵan edi. Onyń atyna qatysty jaǵdaı polısııa bólimshesine kelgen azamatshamen bolǵan oqıǵadan keıin keńinen taraǵan. Sol sáttegi sabyrlylyǵy men kásibı ustanymy jeli qoldanýshylarynyń nazaryn aýdarǵan.
Eki qyzmetker zardap shekti: Atyraý oblysynda polıseılerge shabýyl jasaǵandar ustaldy
Keıin qoldanýshylar ony «temir hanym» dep atap, ıtalııalyq aktrısa Monıka Bellýchchıge teńegen.
О́z kezeginde ol mundaı tanymaldyqty aýyr qabyldaǵanyn jáne kópshilik nazarynda bolýǵa umtylmaıtynyn aıtqan edi. Sonymen qatar, polısııa qyzmetiniń úlken psıhologııalyq tózimdilikti talap etetinin atap ótken.
Áriptesteri Leıla Saıdovany prınsıpshil, ádil ári kásibı bilikti ofıser retinde sıpattaıdy. Qyzmet barysynda ol óńirdegi qoǵamdyq tártipti qamtamasyz etýge eleýli úles qosqan.
Saltanatty jıyn sońynda zeınetke shyqqan qyzmetkerlerge alǵys aıtyldy.
