Osy kúni Volontıorlyq baǵdarlamanyń tanystyrylymy ótedi, onyń aıasynda qatysý formaty, fýnksıonaldyq baǵyttar, úmitkerlerge qoıylatyn talaptar jáne irikteý sharttary tanystyrylady.
Volontıorlar týrnırdi uıymdastyrýdyń negizgi elementi bolyp tabylady jáne qatysýshylar men kórermendermen jumys isteý, buqaralyq aqparat quraldarymen ózara is-qımyl jasaý, sporttyq delegasııalardy súıemeldeý, sondaı-aq is-sharalardy uıymdastyrýǵa qoldaý kórsetý sııaqty negizgi operasııalyq baǵyttarda jumys isteıtin bolady.
Volontıorlyq baǵdarlama eriktilik mádenıetin damytýǵa jáne jastardyń halyqaralyq is-sharalardy uıymdastyrý salasyndaǵy praktıkalyq quzyretterin qalyptastyrýǵa baǵyttalǵan. Baǵdarlamany iske asyrý joǵary deńgeıdegi servıs, úılestirý jáne kommýnıkasııany qamtamasyz etetin daıyndalǵan volontıorlar komandasyn qalyptastyrýǵa múmkindik beredi.
«Bolashaq oıyndary 2026» sport, tehnologııa jáne sıfrlyq mádenıetti biriktiretin platforma bolyp tabylady. Volontıorlardyń jobaǵa qatysýy Astananyń zamanaýı ári tehnologııalyq qala retindegi ımıdjin nyǵaıtýǵa, sondaı-aq Qazaqstannyń iri halyqaralyq is-sharalardy ótkizý alańy retindegi tanymaldylyǵyn arttyrýǵa yqpal etedi.
Baǵdarlama qatysýshylaryna brendtelgen kıim, sývenırlik ónimder jáne qatysý sertıfıkattary usynylady. Volontıorlar sport pen zamanaýı tehnologııalardy biriktiretin halyqaralyq týrnırde jumys isteý boıynsha praktıkalyq tájirıbe alady.
Baǵdarlamaǵa stýdentter, jastar jáne volontıorlik uıymdardyń ókilderi, sondaı-aq elimizdiń iri halyqaralyq jobalarynyń birine úles qosýǵa daıyn barlyq azamattar shaqyrylady.
Aıta keteıik, is-shara 2026 jylǵy 10 sáýir kúni saǵat 11:00–14:00 aralyǵynda Astana qalasyndaǵy «QAZAQSTAN» jeńil atletıka kesheninde tanystyrylym jáne qatysýshylarmen ashyq kezdesý formatynda ótedi. О́tinimderdi qabyldaýdyń resmı bastalý kúni - 2026 jylǵy 10 sáýir.
