Foto: IIM
Qaskóıler ózderin quqyq qorǵaý organdarynyń qyzmetkerleri, bank sektorynyń ókilderi jáne basqa uıymdardyń mamandary retinde kórsetý úshin uqsas sýretterdi, aýdıo jáne beınematerıaldardy jasaý múmkindikterin belsendi túrde qoldanyp júr. IIM azamattarǵa beıneqońyraýlar arqyly belgisiz tulǵalar jalǵan beıne men daýysty paıdalana otyryp, ózderin polısııa qyzmetkerleri, ulttyq qaýipsizdik organdary nemese bankterdiń qaýipsizdik qyzmetiniń ókilderi retinde tanystyratyn jaǵdaılar jıi tirkelip jatqanyn málimdedi.
Polısııa ınvestısııalyq alaıaqtyqtyń qaýipti shemalary týraly eskertti
«Olar kúdikti operasııalardy anyqtaý nemese aqshanyń syrtqa shyǵý qaýpi degen syltaýmen azamattardy aqshany shuǵyl túrde «qaýipsiz shottarǵa» aýdarýǵa kóndiredi. Sonymen qatar resmı habarlamalarǵa uqsas etip jalǵan habarlamalar men qujattardy jiberý, memlekettik organdar nemese qarjy uıymdary ókilderimen baılanys ornatqandaı áser qaldyratyn avtomattandyrylǵan servıster men chat-bottardy paıdalaný faktileri de kezdesedi. Ishki ister mınıstrligi quqyq qorǵaý organdary men bank qyzmetkerleri eshqashan beıneqońyraý arqyly aqsha aýdarýdy talap etpeıdi, qupııa málimetterdi suramaıdy jáne telefon arqyly qarjylyq operasııalar júrgizýdi usynbaıdy», delingen mınıstrlik taratqan habarlamada.
Alaıaqtyqtyń jańa tásili tarady: Qaskúnemder daýysyn ózgertip, senimge kiredi
Alaıaqtyqtyń aldyn alý úshin beıtanys adamdardyń aqsha aýdarýǵa qatysty nusqaýlaryn oryndamaý qajet. Sondaı-aq jeke jáne bank derekterin eshkimge usynbaı, kelip túsken aqparatty resmı derekkózder arqyly tekserý kerek. Polısııa barlyq alaıaqtyq faktileri men áreketteri týraly dereý quzyrly organdarǵa habarlaýǵa shaqyryp otyr.
Baspanaǵa qatysty jańa alaıaqtyq shema: IIM qazaqstandyqtarǵa eskertý jasady
