Foto: Aqorda
Ortalyq qurylǵannan bastap tartylǵan ınvestısııa kólemi 21,5 mıllıard dollarǵa jetti (2025 jyldan beri – 7,2 mıllıard dollar). Ortalyqtyń basqarýyndaǵy aktıvterdiń jalpy kólemi 5,4 mıllıard dollardy qurady.
Renat Bekturovtyń aıtýynsha, AHQO qatysýshylary el bıýdjetine 284,3 mıllıard teńge salyq tólegen (2026 jylǵy 1 qańtardaǵy jaǵdaı boıynsha), byltyrdyń ózinde 135,9 mıllıard teńge aýdarǵan. Salyq túsimderi ósýine negizinen qatysýshylar sanynyń artýy jáne olardyń qyzmetiniń jandanýy áser etti. Máselen, 2025 jyldan bastap 1800-den astam jańa kompanııa tirkeldi. Ortalyq qatysýshylarynyń jalpy sany 5400-den asty.
Memleket basshysy BUU Bas hatshysynyń Sý resýrstary jónindegi arnaýly ókilin qabyldady
Qasym-Jomart Toqaevqa AHQO organdary men uıymdary atqarǵan jumys nátıjeleri baıandaldy. AIX bırjasy qurylǵannan beri boryshtyq jáne úlestik kapıtal kólemi 12,4 mıllıard dollarǵa artty. 2023-2025 jyldardaǵy saýda-sattyq 4 mıllıard dollarǵa jetti.
Byltyrdan beri AHQO soty men Halyqaralyq tórelik ortalyǵy 1600-den astam isti qarady, al onyń jalpy sany 4900-den asty.
Memleket basshysyna avıasııalyq-qarjylyq ekojúıeni damytý maqsatynda Aviation Finance Hub iske qosylǵany týraly málimet berildi. Bul bastama áýe kemelerin qarjylandyrý men lızıngti damytýǵa, salalyq saraptamany jetildirýge baǵyttalǵan. Sondaı-aq AHQO geologııalyq barlaýdyń bastapqy kezeńderindegi jobalarǵa ınvestısııa tartýdy kózdeıtin arnaıy platformany iske qosty. Ortalyq venchýrlyq qorlar men stýdııalar jáne kraýdfandıng platformalar ashý arqyly óńirdegi kreatıvti ındýstrııany qoldaýǵa arnalǵan ekojúıeni damytýda.
Memleket basshysy Túrkııanyń Vıse-prezıdenti Djevdet Iylmazben kezdesti
Kezdesý sońynda Memleket basshysy Ortalyqty odan ári ilgeriletýge qatysty birqatar mindet júktedi. Osy oraıda, AHQO-nyń halyqaralyq bedelin kúsheıtý, retteýshi ortasyn jetildirý, elge kapıtal tartý úshin barynsha qolaıly jaǵdaı jasaý jáne Qazaqstannyń qarjy naryǵyn damytý maqsatynda Ortalyq tájirıbesin jappaı taratý qajet ekenin atap ótti.
