Foto: Aýyl sharýashlyǵy mınıstrligi
Bul baǵyttaǵy tabysty jobalardyń biri – Agrofırma Kýrma seriktestigi. Kásiporyn 2018 jyly qus qaldyqtaryn óńdeý arqyly bıogaz óndirý júıesin engizip, elektr jáne jylý energııasyn, sondaı-aq bıotyńaıtqysh shyǵarýdy jolǵa qoıǵan. Jobanyń jalpy ınvestısııalyq quny 573 mln teńgeni quraıdy.
Qazirgi ýaqytta bıogaz stansııasy táýligine 150 tonnaǵa deıin taýyq sańǵyryǵyn óńdeıdi. Sonyń nátıjesinde metan mólsheri 65% bolatyn 22-23 myń m³ bıogaz óndiriledi. Al elektr energııasynyń óndirisi saǵatyna 600 kVt-qa deıin jetse, organıkalyq tyńaıtqyshtar kólemi táýligine 20 tonnaǵa deıin ulǵaıǵan.
Tehnologııanyń negizi – organıkalyq qaldyqtardy fermentasııalaý. Osy úderis barysynda alynǵan bıogaz elektr energııasyn óndirýge paıdalanylady. Sonymen qatar kásiporyn óz alqaptarynda qoldanylatyn tyńaıtqyshtardy ózi óndirý arqyly ımportqa táýeldilikti azaıtyp, shyǵyndy qysqartyp otyr.
Aýyl sharýashylyǵy mınıstrliginiń málimetinshe, joba iske qosylǵaly beri 15 mln kVt/saǵ elektr energııasy óndirilip, kásiporynnyń jyldyq tabysy 100-190 mln teńge aralyǵynda qalyptasqan.
Jalpy, «Agrofırma Kýrma» tájirıbesi óndiris qaldyqtaryn tıimdi ıgerý arqyly turaqty ári tabysty bıznes qalyptastyrýǵa bolatynyn kórsetedi. Bul – otandyq agrosektorda ekologııalyq taza óndiristi damytýdyń jáne qosymsha tabys kózin arttyrýdyń naqty úlgisi.
