Foto: Polizia.kz, telegram
Tekserý barysynda belgili bolǵandaı, 17 jastaǵy jasóspirim avtokólikpen mektep aýmaǵyna zańsyz kirgen. Oǵan tártip saqshylary tarapynan eskertý jasalǵan. Ol agressıvti túrde jaýap bergen. Saldarynan janjal týyndaǵan.
Quqyq qorǵaý organdarynyń málimetinshe, oqıǵaǵa qatysqan barlyq azamattyń áreketi jan-jaqty tekserilip, quqyqtyq baǵa berilgen. Sot sheshimimen kámeletke tolmaǵan jasóspirim men mektep qyzmetkeri usaq buzaqylyq jasaǵany úshin jaýapkershilikke tartyldy. Sondaı-aq kólik júrgizýshisi jol júrisi qaǵıdalaryn buzǵany úshin ákimshilik jaza aldy.
Almatyda tártip buzǵan jasóspirimder el aýmaǵynan shyǵarylýy múmkin
Qosymsha túrde jasóspirimniń ata-anasynyń tárbıeleý mindetterin tıisinshe oryndamaýyna baılanysty jaýapkershilik máselesi qarastyrylyp jatyr. Bul baǵyttaǵy materıaldar profılaktıkalyq shara qabyldaý úshin onyń turǵylyqty jeri boıynsha tıisti organdarǵa joldanǵan.
Polısııa ókilderi balalar men jasóspirimder bar ortada qaýipsizdikti qamtamasyz etý úshin zań men tártiptiń qatań saqtalýy mindetti ekenin atap ótti. Kez kelgen quqyq buzýshylyq pen óreskel áreketter der kezinde toqtatylatyny eskertildi.
Sondaı-aq quqyq qorǵaý organdary árbir mundaı jaǵdaı mindetti túrde quqyqtyq baǵalanatynyn, bul tek jaýapkershilik sharasy ǵana emes, aldyn alý jáne qoǵamdyq qaýipsizdikti nyǵaıtý tetigi ekenin eske saldy.
