Baǵdarlama kedeılikpen kúresýdiń jańa tásilderin oılap tapqany úshin Nobel syılyǵyn ıelengen Dıýflo, Banerdjı men Kremerdiń zertteýlerine negizdelgen. Afrıka, Azııa elderinde olar bilim berýdi oqýshynyń shynaıy deńgeıine qaraı qurýdyń mańyzdy ekenin kórsetti, al bul rette «peer learning» formatyndaǵy daıyndyq bárinen tıimdi sanalady. Onyń aıasynda úlgerimi jaqsyraq oqýshylar akademııalyq deńgeıi tómenderge kómektesedi. Materıaldy muǵalim men oqýshy arasyndaǵy kedergisiz, «óz tilinde» túsindirgen kezde myqty oqýshylar sabaqty ózgelerge uǵynyqty etip túsindire alady, sonymen birge ózderi de bilimin kúsheıte túsedi. Nátıjesinde, toptyń jalpy deńgeıi jyldamyraq ósedi.
«IQanat» burynnan beri júrekpen sezip kelgen tujyrymdy endi zertteýler rastady. Bıyl Olımpıadanyń úsh týrynan da ótken «IQanat»-tyń 1000 joǵary synyp oqýshysy 10 000 8-synyp oqýshysyna tálimger men muǵalim boldy. Jyl boıy olar sabaqty onlaın formatta birge oqysa, olımpıada kezinde júzbe-júz kezdesip, qatar otyryp oqý múmkindigine ıe boldy. «IQanat»-tyń negizgi «Giving Back» («Jaqsylyqty qaıtarý») ıdeıasynyń mán-mańyzy da osy, mesenattar balalarǵa kómektesedi, al olar óse kele óz bilimi men jınaǵan qundylyqtaryn «urpaqtan-urpaqqa» taratady. Osylaısha, baǵdarlamanyń tıimdiligin keńeıtedi», deıdi jobanyń oblystyq qamqorshysy, kásipker, «Atasu Group» holdınginiń negizin qalaýshy jáne ıesi Marat Juman.
Joǵary synyp oqýshylary sabaqty bar yqylasymen úıretedi. Olardyń biri – Almaty oblysynyń Almalybaq aýylynda týǵan 11-synyp oqýshysy Dıas Abdylhaq. Bir jylda ol aıqanattyq 79 balaǵa fızıka boıynsha kómektesse, olardyń 22-si Iqanat mektebiniń grantyn jeńip aldy.
«Men úıdiń úlkenimin, sondyqtan bireýge «aǵa» bolý maǵan bala kezden úırenshikti nárse. Men oqýshylarǵa árqashan kómekqolymdy sozyp, bilmegenin túsindiremin. Ýaqyt óte kele bul ózime de kúsh beretinin sezindim», deıdi Dıas.
Dıas 17 jasta, biraq ol naǵyz muǵalim qandaı bolýy kerektigin qazirdiń ózinde kórsete bildi. Ol olımpıadaǵa qatysqan kezde mektepke túse almaǵan edi, biraq jobadan ketken joq. Orasan zor eńbegi úshin Dıasqa alǵash ret jobanyń tıýtory retinde grant berý týraly sheshim qabyldandy. Qazir Dıas óziniń oqýshylarymen birge «IQanat» mektebinde bilim alyp jatyr. Grant onyń barlyq shyǵynyn óteıdi. Bıylǵy olımpıada kezinde ol taǵy da óz óńirine kelip, aýyldaǵy balalardy daıyndaýǵa kiristi. Endi olar II týrdyń nátıjelerin birge kútip júr.
«IQanat» – 240+ kásipkerdiń jobasy. Olardyń qatarynda Dýlat Tastekeı, Nurjan Bekshenov, Marat Juman, Asqar Alshynbaev, Nurasyl Jarbasov, Aıdyn Rahymbaev, Tımýr Týrlov, Erlan Isekeshev, Ashat Omarov, Qanat Kópbaev, Ǵazız Qusaıyn, Sergeı
Kan, Serik Tólbasy, Orazhan Qarsybekov syndy basqa da kásipkerler bar. Olardyń qoldaýynyń arqasynda «IQanat» túlekteriniń 94%-y JOO grantyn jeńip alyp, qazir álemniń 19 elinde bilim alyp jatyr.
Almaty oblysy
