Quqyqtyq saýatty arttyratyn alań

Shymkent qala­sy Ádilet departa­men­tiniń quqyqtyq túsindirý jumysy jáne zańgerlik qyzmet kórsetý bóliminiń bas mamany Samal Bahtyıardyń aıtýynsha, «Quqyq kabıneti» – kez kelgen azamattyń suraǵyna tıisti jaýap pen qajetti keńes alýyna múmkindik beretin ashyq alań. Munda kelýshiler zańgerlik keńes alyp qana qoımaı, zamanaýı sıfrlyq qyzmetti de paıdalana alady. Atap aıtqanda, kabınette «Ádilet» jáne «Zań» quqyqtyq derekqorlaryna qoljetimdilik qamtamasyz etilgen. Bul júıe­ler arqyly azamattar qolda­nystaǵy normatıvtik-quqyqtyq aktilermen tanysyp, óz quqyq­tary men mindetteri týraly naqty aqparat ala alady.

«Sonymen qatar «Quqyq kabınetinde» eGov, e-Otinish, «Ashyq NQA» sııaqty memlekettik aqparattyq júıelermen jumys isteýge múmkindik bar. Bul aza­mattarǵa memlekettik organdarǵa onlaın ótinish joldaýǵa, túrli qyzmetti elektrondy túrde alýǵa jaǵdaı jasaıdy. Ásirese ýaqyt únemdeý men rásimderdi jeńildetý turǵysynan mundaı qyzmetterdiń mańyzy zor. Atalǵan kabınette kórsetiletin qyzmettiń bas-ty artyqshylyǵy – olardyń tegin ári barshaǵa qoljetimdi bolýy. Kez kelgen turǵyn arnaıy daıyndyqsyz-aq kelip, qajetti quqyqtyq aqparatty túsinikti ári yńǵaıly túrde ala alady. Bul ásirese quqyqtyq bilim deńgeıi ártúrli azamattar úshin mańyzdy», dedi S.Bahtyıar.

Búginde Shymkent qalasynyń birneshe aýdanynda «Quqyq kabıneti» jumys isteıdi. Olar Abaı, Ál-Farabı, Qarataý, Turan aýdandary ákiminiń apparaty janynan ashylǵan. Bul keńse jelisi qala turǵyndarynyń árqaı­sysyna jaqyn ornalasyp, quqyqtyq qyzmetterdi qol­jetimdi etedi.

Mamannyń aıtýynsha, osy kúnde Qarataý aýdany ákimdiginiń apparatyndaǵy «Quqyq kabıneti» belsendi jumysqa kirisken. Munda azamattar quqyqtyq keńes alyp qana qoımaı, elektrondy júıeler arqyly túrli ótinishin joldap, qajetti qujatpen tanysa alady. Bul óz kezeginde halyq pen memlekettik organdar arasyndaǵy baılanysty nyǵaıtyp, ashyqtyq pen tıim­dilikti arttyra túsedi.

Jalpy alǵanda, «Quqyq kabıneti» azamattardyń quqyq­tyq mádenıetin kóterýge, mem­lekettik qyzmetti ońaı ári jyldam alýǵa múmkindik beretin mańyzdy jobaǵa aınalyp otyr. Sondyqtan mamannyń pikirinshe, osyndaı bastama arqyly qoǵamda zańǵa degen qurmet artyp, árbir azamat óz quqyǵyn qorǵaı alatyn qabiletke ıe bolady.

ShYMKENT